Qazaqstannyń astanasynda jáne 17 óńirinde jańbyr men qar jaýyp, úsik júredi

ASTANA. KAZINFORM – Elordada jáne Qazaqstannyń 17 óńirinde daýyldy eskertý jarııalandy, dep habarlaıdy «Qazgıdromet» RMK.

Astanada túnde jáne tańerteń tuman túsip, túnde 1-3 gradýs úsik júredi.

Shymkent qalasynda kúndiz naızaǵaı oınaıdy. Soltústik-batystan soltústik-shyǵysqa aýysatyn jeldiń ekpini 15-20 m/s jetedi. 29 qyrkúıekte qalada órttiń tótenshe qaýiptiligi saqtalady.

Abaı oblysynda batys pen soltústikte keı ýaqytta qatty jańbyr jaýady, kúndiz burshaq pen daýyl kútiledi. Túnde jáne tańerteń tuman túsedi. Jeldiń ekpini 15-20 m/s.

Aqmola oblysynda shyǵysta jaýyn-shashyn (jańbyr qarǵa ulasýy múmkin) bolady. Túnde jáne tańerteń batysta, soltústikte, shyǵysta tuman túsedi, túnde úsik 3°S deıin kútiledi.

Aqtóbe oblysynda soltústikte túnde 2°S úsik bolady. Ońtústikte joǵary órt qaýpi, al batysta, soltústikte, soltústik-shyǵysta, ortalyqta tótenshe órt qaýpi saqtalady.

Almaty oblysynda soltústikte, batysta, ońtústikte jáne taýly aýdandarda kúndiz naızaǵaı oınaıdy. Jeldiń ekpini 15-20 m/s deıin jetedi.

Atyraý oblysynda soltústikte, ońtústikte, shyǵysta tótenshe órt qaýpi, soltústik-shyǵysta joǵary órt qaýpi saqtalady.

Shyǵys Qazaqstan oblysynda soltústikte, shyǵysta kúndiz qatty jańbyr, burshaq pen daýyl kútiledi. Naızaǵaı bolady. Túnde jáne tańerteń tuman túsedi. Jeldiń ekpini 15-20 m/s deıin.

Jambyl oblysynda batysta, soltústikte, ońtústikte jáne taýly aýdandarda naızaǵaı oınaıdy. Soltústik-batystan soqqan jeldiń ekpini 15-20 m/s deıin jetedi. Batysta, soltústikte, ortalyqta tótenshe órt qaýpi bar.

Jetisý oblysynda kúndiz naızaǵaı kútiledi. Alakól mańynda soltústik-batystan soqqan jeldiń ekpini 15-20 m/s deıin jetedi.

Batys Qazaqstan oblysynda túnde jáne tańerteń tuman túsedi. Túnde 3°S úsik kútiledi. Batysta, ońtústikte, shyǵysta tótenshe órt qaýpi saqtalady, soltústikte órt qaýpi joǵary bolady.

Qaraǵandy oblysynda shyǵysta túnde jaýyn-shashyn (jańbyr qarǵa ulasady), kúndiz ońtústikte qatty jańbyr kútiledi. Túnde jáne tańerteń soltústikte, shyǵysta tuman túsedi. Ońtústikte tótenshe órt qaýpi saqtalady.

Qostanaı oblysynda batysta jáne soltústikte jaýyn-shashyn (jańbyr qarǵa ulasady), kóktaıǵaq bolady. Batysta, soltústikte, shyǵysta tuman kútiledi. Soltústikte, batysta túnde 3°S úsik. Ońtústikte tótenshe órt qaýpi saqtalady.

Qyzylorda oblysynda tótenshe órt qaýpi kútiledi.

Mańǵystaý oblysynda soltústikte, ońtústik-shyǵysta órt qaýpi joǵary bolady.

Pavlodar oblysynda batysta, soltústikte túnde jáne tańerteń tuman kútiledi.

Soltústik Qazaqstan oblysynda ońtústikte, batysta, soltústikte túnde jáne tańerteń tuman kútiledi.

Túrkistan oblysynda batysta, soltústikte, ońtústikte jáne taýly aýdandarda kúndiz naızaǵaı oınaıdy. Soltústik-batystan soltústik-shyǵysqa aýysatyn jeldiń ekpini 15-20 m/s jetedi. Oblys boıynsha tótenshe órt qaýpi saqtalady.

Ulytaý oblysynda ońtústikte tótenshe órt qaýpi kútiledi.

«Qazgıdromet» turǵyndarǵa aýa raıy nasharlaǵan kezde qaýipsizdik sharalaryn saqtaýdy eskertedi.