Qazaqstannyń arnaıy operatsııalar kúshteri týraly jalǵan aqparat tarady
ASTANA. KAZINFORM – Qazaqstannyń Arnaıy operatsııalar kúshteriniń oqý-jattyǵý kadrlary jalǵan aqparat taratý úshin paıdalanylyp jatyr.
Sheteldik áleýmettik jelilerde Qazaqstan Respýblıkasy Qarýly Kúshteriniń Arnaıy operatsııalar kúshteri áskerı qyzmetshileri beınelengen beınerolık taralyp jatyr. Beınejazbaǵa qosa jarııalanǵan jazbalarda onda shet memleketter arasyndaǵy teketires beınelengeni týraly shyndyqqa sáıkes kelmeıtin málimetter keltirilgen.
Qazaqstan Respýblıkasy Qorǵanys mınıstrliginiń málimetinshe, atalǵan aqparat shyndyqqa sáıkes kelmeıdi.
Beınejazbada 2026 jylǵy maýsym men tamyz aılary aralyǵynda Jetisý oblysyndaǵy «Kóktal» polıgonynda jaýyngerlik daıarlyq josparyna sáıkes ótkizilgen Qazaqstan Respýblıkasy Qarýly Kúshteri Arnaıy operatsııalar kúshteri áskerı qyzmetshileriniń oqý-jattyǵý jıyndary beınelengen.
Jalǵan aqparatqa qarsy is-qımyl ortalyǵy áleýmettik jeli qoldanýshylaryn jarııalanymdardy bólispes buryn olardyń bastapqy derekkózderin jáne qandaı mánmátinde jarııalanǵanyn muqııat tekserýge shaqyrady.
Aıta ketelik ásker týraly feık bir jyldan keıin qaıta taraǵan edi.
