Qazaqstannyń ár óńirindegi pedıatrǵa qaralý baǵasy qansha
ASTANA. KAZINFORM – Óskemen qalasynda búgin de qolaısyz meteorologııalyq jaǵdaı qalyptasqan. Qazaqstanda 7 mln-ǵa jýyq bala bar. Bul jalpy halyq sanynyń 34,1%-yn quraıdy. Bala sanynyń jyl saıyn ósip kele jatqanyn eskersek, eldegi balalar dárigeriniń qyzmetine degen suranystyń arpasa kemimeıtinin túsinemiz. Osy rette, Kazinform agenttiginiń tilshisi ár óńirdegi jekemenshik pedıatrlardyń alǵashqy qabyldaýynyń baǵasy qandaı ekenin bilip kórdi.
Bıyl Qazaqstan 17 jylda alǵash ret pedıatr mamandardy oqytyp shyǵardy. 2007 jyly Qazaqstannyń medıtsınalyq joǵary oqý oryndary mamandardy daıarlaýdyń jańa modeline kóshkeni belgili. Osydan keıin Asfendııarov atyndaǵy Qazaq medıtsınalyq ýnıversıtetiniń pedıatrııa fakýlteti jalpy medıtsınalyq baǵytqa engizilip, pedıatrlardy daıyndaý toqtatyldy. Araǵa 11 jyl salyp, ıaǵnı 2018 jyly mamandyq qaıtarylyp, bıyl 130-dan astam adam balalar dárigeri atandy.
Jeke pedıatrdyń konsýltatsııasynyń eń arzan baǵasy batys óńirlerde baıqalady. Atyraý, Oral, Aqtóbe qalalarynda pedıatrdyń alǵashqy qabyldaýy - 4 000-6 000 teńge aralyǵynda.
Pedıatr qabyldaýynyń ortasha baǵasy Petropavl, Taldyqorǵan jáne Taraz qalalarynda tirkeldi. Bul qalalarda balalardy dárigerge qaratý úshin 5 000-6 000 teńge tóleý qajet.
Qostanaı, Kókshetaý, Óskemen jáne Semeı qalalarynda pedıatr qyzmeti sál qymbatyraq. Munda ortasha baǵa - 7 000 teńge. Al Qaraǵandy, Qyzylorda, Konev shaharlarynda alǵashqy jazylý 8 000 teńge turady.
Aqtaý, Jezqazǵan, Shymkent, Túrkistan qalalarynda ortasha baǵa 10 000 teńgeni quraıdy.
Ádettegideı eń qymbat baǵa Astana men Almatyda baıqalady. Eldiń eki astanasynda pedıatrdyń keńesi 10 000-nan bastalyp, 15 000 teńgege deıin jetedi.
Aıta ketý kerek, baǵa dárigerdiń tájirıbesine qaraı bekitiledi. Tıisinshe, jas dárigerdiń qyzmeti tájirıbeli áriptesine qaraǵanda áldeqaıda arzan. Baǵa aıyrmashylyǵy 5 000 teńgeden 10 000 teńgege deıingi aralyqty qamtıdy.
Eske salsaq, osyǵan deıin Qazaqstanda qaraqumyq pen kúrish baǵasy qandaı ekendigin jazǵan bolatynbyz.