Qazaqstannyń altyn qory qansha jylǵa jetetini belgili boldy
ASTANA. KAZINFORM — Ónerkásip jáne qurylys mınıstrligi elimizdiń paıdaly qazbalarmen qamtamasyz etilý merzimine qatysty jańartylǵan derekterdi jarııalady.
Qazaqstan — tabıǵı resýrstarǵa baı el bolyp qala beredi. Sońǵy derekterge sáıkes, qazirgi óndirý kólemin eskersek, negizgi paıdaly qazbalarmen qamtamasyz etilý merzimi mynadaı:
- Altyn — 30 jyl
- Mys — 38 jyl
- Qorǵasyn — 156 jyl
- Temir kenderi — 957 jyl
- Kómir — 350 jyl
Sol sııaqty turaqtylyq marganets, tıtan, molıbden jáne basqa da strategııalyq mańyzdy paıdaly qazbalar boıynsha da baıqalady.
— Bul — qazbalardy utymdy paıdalanyp, geologııalyq barlaý jumystaryn júıeli júrgizý arqyly Qazaqstan óz resýrstyq áleýetin saqtap qana qoımaı, jahandyq shıkizat naryǵyndaǵy ornyn odan ári nyǵaıta alady degen sóz. Resýrstyq baza turaqtylyǵy — ınvestıtsııa tartýdyń, taý-ken ónerkásibin damytýdyń jáne eldiń ekonomıkalyq qaýipsizdigin qamtamasyz etýdiń negizgi tiregi, — dep atap ótti vedomstvo.
Buǵan deıin kanadalyq kompanııa Qazaqstanda sırek kezdesetin paıdaly qazba óndirýge ekinshi lıtsenzııasyn alǵanyn jazdyq.