Qazaqstannyń 900 azamaty jazasyn shetelde ótep jatyr
ASTANA. KAZINFORM – Al 1 myńnan astam sheteldik Qazaqstanda jazasyn ótep jatyr. Bul týraly QR Bas prokýrorynyń orynbasary Ǵalymjan Qoıgeldıev aıtty.
«Qazir elimizdiń 900 azamaty jazasyn shetelde ótep jatyr. Keıingi 5 jylda 160 adamdy Qazaqstanǵa qaıtardyq. Bıylǵy 9 aıda 24 adam qaıtaryldy. Sonymen qatar úsheýine qatysty qaıtarýdan bas tarttyq», - dedi Ǵ. Qoıgeldıev Májilistiń jalpy otyrysynda.
Sonymen qatar ol Májilistiń jalpy otyrysynan keıin tilshilerge shetelde jazasyn ótep júrgen 900 adamnyń basym bóligi Reseıde qamaýda otyrǵanyn aıtty.
«1 myńnan astam sheteldik Qazaqstanda jazasyn ótep jatyr, olardyń kóbisi Ózbekstan azamaty», - dedi Bas prokýrordyń orynbasary.
Onyń sózine qaraǵanda, elimizdiń jastary ońaı aqsha tabamyz dep shetelge baryp, keleńsiz jaǵdaılarǵa urynyp jatyr.
«Osyndaı oqıǵalar óte kóp. Ásirese, esirtki tasymaldaý áreketimen isti bolyp otyr. Bul jaza boıynsha sottalǵandarǵa óte aýyr túsedi», - dedi Ǵalymjan Qoıgeldıev.
