Qazaqstannyń 9 oblysynda aýa raıyna baılanysty eskertý jarııalandy

ASTANA. KAZINFORM – Elimizdiń 9 oblysynda kún raıyna baılanysty eskertý jarııalandy. Bul týraly «Qazgıdromet» RMK habarlady. 

18 naýryzda kúndiz batysta, Aqtóbe oblysynyń ortalyǵynda kóktaıǵaq kútiledi. Shyǵystan jel soǵady, túnde ońtústik-batysqa aýysady, kúndiz oblystyń ońtústiginde ekpini 15-20 m/s jetedi.

Atyraý oblysynda jaýyn-shashyn (jańbyr, qar), oblystyń soltústigi men ońtústiginde kóktaıǵaq kútiledi. Oblystyń batysy men ońtústiginde tuman túsedi. Ońtústik-batystan soǵatyn jeldiń kúshi – 9-14, kúndiz oblystyń ońtústigi men shyǵysynda ekpini – 15-20 m/s. Atyraýda jaýyn-shashyn (jańbyr, qar) kútiledi. Túnde jáne tańerteń tuman.

Jetisý oblysynyń Alakól kólderi aımaǵynda ońtústik-shyǵystan soǵatyn jeldiń ekpini – 15-20, keı jerlerde 23-28 m/s kútiledi.

Batys Qazaqstan oblysynyń batysynda, ońtústiginde, shyǵysynda kóktaıǵaq kútiledi. Oblystyń ońtústiginde, soltústiginde jáne shyǵysynda tuman bolýy yqtımal. Oralda túnde jáne tańerteń tuman kútiledi.

Qaraǵandy ​​oblysynyń soltústigi men shyǵysynda túnde jáne tańerteń tuman kútiledi. Qaraǵandyda túnde jáne tańerteń tuman túsýi múmkin.

18 naýryzda kúndiz Qostanaı oblysynyń batysynda jáne ońtústiginde jaýyn-shashyn (jańbyr, qar), kóktaıǵaq kútiledi. Oblystyń batysy men ońtústiginde tuman túsedi. Qyzylorda oblysynda ońtústik-batystan 15-20 m/s jel soǵady dep kútilýde. 

Mańǵystaý oblysynyń soltústik-shyǵysynda shańdy daýyl bolady. Oblystyń soltústigi men shyǵysynda ońtústik-batystan soǵatyn jeldiń kúshi – 15-20 m/s.

Túrkistan oblysynyń taýly aýdandarynda ońtústik-shyǵystan, ońtústikten 15-20 m/s jel soǵady.