Qazaqstannyń 7 boksshysy jastar arasyndaǵy álem chempıonatynyń fınalyna shyqty

ATYRAÝ. KAZINFORM – Qazaqstannyń jastar quramasynyń jeti ókili Chernogorııanyń Býdva qalasynda ótetin álem chempıonatynda altyn júldege talasady. Bul týraly UOK habarlady. 

Beksultan Boranbek (51 kg), Tórehan Sabyrhan (67 kg), Óner Seıilhan (71 kg), Sanjaráli Begalıev (75 kg), Elıanýr Týrganova (50 kg), Uldana Taýbaı (66 kg) jáne Arýjan Zeınollaeva (81 kg) fınalǵa ótti.

Al, Dıas Berikbaı (48 kg), Janseri Kósherbaev (57 kg), Rasýl Asanhanov (92 kg), Aslan Eldibaıuly (92 kg joǵary) Ánel Abdrasılova (48 kg), Baǵjan Otynbaı (52 kg), Tolǵanaı Qasymhan (60 kg), Arýjan Janabaeva (63 kg), Shuǵyla Nálibaı (75 kg) jáne Panar Seıithanqyzy (81 kg joǵary) chempıonatty qola júldemen aıaqtady.

Eske sala keteıik, buǵan deıin AQSh-tyń Pýeblo qalasynda World Boxing federatsııasy aıasynda ótip jatqan bokstan 19 jasqa deıingi jastar arasyndaǵy álem chempıonatynda qazaqstandyq eki boksshy fınalǵa shyqqanyn jazǵan edik.