Qazaqstannyń 467 azamaty Dýbaıdan Oman arqyly elge jetkiziledi
ASTANA. KAZINFORM — Qazaqstannyń 467 azamaty Dýbaıdan Oman arqyly búgin elge jetkiziledi. Bul týraly Syrtqy ister mınıstriniń orynbasary Álibek Baqaev aıtty.
Onyń aıtýynsha, áýe qatynasynyń shekteýli bolýyna baılanysty Birikken Arab Ámirlikteri men Qatarda júrgen Qazaqstan azamattary kórshiles 2 el aýmaǵy arqyly shyǵarylady.
- Búgin Dýbaıdan azamattarymyz mingen avtobýstardyń alǵashqy legi Oman sultanatyna jolǵa shyqty. Osy kúnniń sońyna deıin Qazaqstannyń 467 azamatyn Oman sultandyǵynan Qazaqstanǵa jetkizýdi josparlap otyrmyz, - dedi ol Úkimet otyrysynan keıin.
Mınıstr orynbasary Qatardaǵy azamattarymyz Saýd Arabııasynyń Jıdda qalasyna jetkiziletinin aıtty.
- Adamdardy Qatardan avtobýs arqyly Er-Rıdıaqa, odan Jıddaǵa jetkizemiz. Odan keıin Jıddadan áýe kompanııalarymyzdyń bortymen Qazaqstanǵa oralady, - dedi Álibek Baqaev.
Buǵan deıin Qazaqstan azamattary Iran aýmaǵynan jer joldar arqyly shyǵarylatynyn jazǵan edik.