Qazaqstannyń 2025 jyly alǵan qaryzdarynyń jartysynan kóbi eski qaryzdy jabýǵa jumsalǵan
ASTANA. KAZINFORM — Joǵary aýdıtorlyq palata múshesi ıÝlııa Engel Úkimettiń qaryz saıasaty eski boryshty jańa boryshpen jabýǵa oıysyp bara jatqanyn aıtty.
— Respýblıkalyq bıýdjettiń sozylmaly tapshylyǵy, «aıaqtalmaǵan» jobalardyń joǵary úlesi — osynyń bári bloktyq bıýdjettiń tolyq kúshine enýine múmkindik bermeı jatyr. Qaryz saıasaty barǵan saıyn ótemaqy sıpatyna yǵysyp barady. Onyń basty baǵyty damý emes, aǵymdaǵy bıýdjettik turaqtylyqty saqtaý. 2025 jyly jańa qaryzdardyń jartysynan kóbi qoldanystaǵy qaryzdy qaıta qarjylandyrýǵa paıdalanyldy, — dedi JAP múshesi Májiliste.
Degenmen ol memlekettik boryshtyń máni qaýipsiz shekten aspaǵanyn aıta ketti.
— Táýekelderdiń birshamasy kvazımemlekettik sektor men memlekettik kepildikter júıesi arqyly qalyptasyp otyr, — deıdi ol.
Sondaı-aq, ol Úkimettiń tym optımıstik boljamdary bolashaqtyń salyq bazasyn sarqıtynyn aıtty.
