Qazaqstannyń 2 myń mektebi Ilon Masktyń Starlink ınternetine qosylady
Kelesi jyly Qazaqstanda Ilon Masktyń Starlink ınternetine ruqsat berilýi múmkin. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy Kazinform.
«Biz qazir Starlink kompanııasymen pılottyq jobany júzege asyryp jatyrmyz. Qazir osy joba arqyly 10 aýyldyq mektepti qosamyz, jarty jylda 2 myń mektepti qosýdy josparlap otyrmyz. ıAǵnı ınterneti óte álsiz, bilim berý júıesin jańǵyrtýǵa jaramaıtyn sekýndyna 4 megabıt mektepterdi tańdaımyz. Zańnamalyq shekteýler shynymen de bar jáne bul shekteýler tek Qazaqstanda ǵana emes, qazir barlyq elder baılanys salasyn retteıtin zańnamany qaıta qaraýda. Starlink jańa baılanys tehnologııasy bolǵandyqtan, úsh jyl olar baılanys qyzmetterin usyný úshin jergilikti jerde jabdyq ornatyp, baılanys jelilerimen rettelýi kerek edi. Qazir olar tıimdilikti arttyrý joldaryn izdep, ǵaryshta eń jaqsy jerserik baılanysyn jasady jáne soǵan sáıkes qyzmet kórsete alatyn elder aýmaǵynda jabdyq ornatý qajettiligi bolmaı qaldy», - dedi Baǵdat Mýsın.
Mınıstr osy ózgeristerdi engizý úshin pılotty jobany júzege asyryp jatqanyn, onyń sheńberinde zańnamaǵa engizilýi tıis normalar ázirlenetinin jetkizdi. Qazirgi ýaqytta Qazaqstan aýmaǵynda Starlink tehnologııasyn qoldanýǵa zań júzinde ruqsat berilmegen.
«Biz kelesi jyly osy jaǵdaıdy retteýdi josparlap otyrmyz. Birinshi nemese ekinshi jartyjyldyqta dep naqty aıta almaımyn, óıtkeni bári Parlament Májilisine baılanysty. Eger Májilis qoldasa, qabyldanady», - dedi B. Mýsın.
