Qazaqstannyń 19 jastaǵy fýtbolshysy QPL-dyń eń qymbat oıynshysyna aınaldy
19 jastaǵy «Ordabasy» klýby men Qazaqstan quramasynyń jartylaı qorǵaýshysy Jasulan Ámir Qazaqstan Premer-lıgasyndaǵy eń qymbat fýtbolshylar reıtınginde kósh bastady. Bul týraly Transfermarkt portaly oıynshylardyń naryqtyq qunyn jańartqannan keıin belgili boldy.
Jasulan Ámirdiń transferlik quny 500 myń eýrodan 2,5 mıllıon eýroǵa deıin ósti. Osylaısha, fýtbolshynyń naryqtyq baǵasy bir jańartýdyń ózinde bes ese artyp, 2 mıllıon eýroǵa qymbattady.
Reıtıngtiń birinshi satysyn ol «Astana» klýbynyń jartylaı qorǵaýshysy Ivan Bashıchpen bólisti. Bosnııalyq fýtbolshynyń da transferlik quny 1 mıllıon eýroǵa ósip, 2,5 mıllıon eýroǵa jetti.
Odan keıin «Qaırat» qaqpashysy Temirlan Anarbekov pen «Ordabasy» qorǵaýshysy Gı-Marselen Kılama ornalasqan. Ekeýiniń de naryqtyq quny 1,2 mıllıon eýroǵa baǵalanyp otyr.
Al «Astana» sapyndaǵy Maqsat Abraev, «Ordabasy» oıynshysy Davıd Abaǵna, «Qaırat» fýtbolshysy Jorjıno jáne «Aqtóbe» ókili Pablo Alvarestiń quny 1 mıllıon eýrodan.
Taǵy bes fýtbolshynyń naryqtyq baǵasy 900 myń eýrony qurady. Olar – «Ordabasy» oıynshylary Elhan Astanov pen Aleksa Amanovıch, «Aqtóbe» sapyndaǵy Artýr Shýshenachev pen Danıel Sosa, sondaı-aq «Tobyl» fýtbolshysy Vıtalıı Lısakovıch.
Aıta keteıik, osy maýsymda shymkenttik «Ordabasy» QPL chempıony atandy.