Qazaqstannyń 17 óńirinde kún raıyna baılanysty eskertý jarııalandy
ASTANA. KAZINFORM – 21 shildede Qazaqstannyń 17 oblysynda naızaǵaı, nóser jańbyr, burshaq, ekpindi jel jáne aptap ystyqqa baılanysty daýyldy eskertý jarııalandy, dep habarlaıdy Kazinform agenttigi «Qazgıdromet» RMK-ǵa silteme jasap.
Astanada keı ýaqyttarda jańbyr jaýyp, naızaǵaı oınaıdy. Kúndiz burshaq túsip, daýyl turady. Ońtústik-batystan soqqan jel kúndiz soltústik-shyǵysqa aýysyp, ekpini sekýndyna 15–20 metrge jetedi. Qalada joǵary órt qaýpi saqtalady.
Almatyda kúndiz ótkinshi jańbyr jaýyp, naızaǵaı bolady. Ońtústik-batys jeliniń ekpini 15–18 m/s-qa deıin kúsheıedi. Aýa temperatýrasy 35–36 gradýsqa deıin kóterilip, joǵary órt qaýpi saqtalady.
Shymkentte kúndiz ótkinshi jańbyr men naızaǵaı kútiledi. Soltústik-batys jeli 15–20 m/s-qa deıin kúsheıedi. Qalada tótenshe órt qaýpi saqtalady.
Abaı oblysynyń batysynda, soltústiginde jáne ortalyǵynda jańbyr jaýyp, naızaǵaı bolady. Kúndiz burshaq túsip, daýyl soǵady. Jeldiń ekpini 23–28 m/s-qa jetedi.
Aqtóbe oblysynyń soltústiginde, shyǵysynda jáne ortalyǵynda jańbyr, naızaǵaı, kúndiz burshaq kútiledi. Jel ekpini 15–20 m/s. Oblystyń batysy men shyǵysynda joǵary, ońtústik-shyǵysynda tótenshe órt qaýpi saqtalady.
Atyraý oblysynyń shyǵysy men ońtústiginde túnde jańbyr men naızaǵaı boljanady. Jeldiń ekpini 15–20 m/s. Kúndiz aýa temperatýrasy 35 gradýsqa deıin kóteriledi. Oblysta joǵary jáne tótenshe órt qaýpi saqtalady.
Aqmola oblysynda jańbyr, naızaǵaı, keı jerlerde nóser, burshaq jáne daýyl bolady. Kúndiz jeldiń ekpini 25 m/s-qa deıin kúsheıedi. Batysynda, soltústiginde jáne ońtústiginde joǵary órt qaýpi saqtalady.
Almaty oblysynyń batysynda, ońtústiginde jáne taýly aýdandarynda jańbyr men naızaǵaı kútiledi. Aýa temperatýrasy 35–38 gradýsqadeıin kóteriledi. Soltústigi men ortalyǵynda tótenshe, qalǵan aýmaqtarynda joǵary órt qaýpi saqtalady.
Shyǵys Qazaqstan oblysynyń batysynda, soltústiginde jáne shyǵysynda jańbyr, naızaǵaı, kúndiz burshaq pen daýyl bolady. Jeldiń ekpini 25 m/s-qa deıin jetedi.
Jambyl oblysynyń taýly óńirlerinde túnde, al kúndiz oblystyń ońtústiginde, batysynda, shyǵysynda jáne taýly aýdandarynda jańbyr jaýyp, naızaǵaı oınaıdy. Keı jerlerde nóser, burshaq jáne daýyl kútiledi. Jeldiń ekpini 23 m/s-qa deıin kúsheıedi. Oblysta tótenshe órt qaýpi saqtalady.
Jetisý oblysynyń taýly aýdandarynda jańbyr men naızaǵaı bolady. Kúndiz aýa temperatýrasy 35–39 gradýsqa deıin kóterilip, jeldiń ekpini 23–28 m/s-qa jetedi. Óńirde tótenshe órt qaýpi saqtalady.
Batys Qazaqstan oblysynyń soltústiginde, shyǵysynda jáne ońtústiginde jańbyr, naızaǵaı, kúndiz burshaq kútiledi. Aýa temperatýrasy 35 gradýsqa deıin kóteriledi. Oblystyń ońtústik-batysynda joǵary, qıyr ońtústiginde tótenshe órt qaýpi saqtalady.
Qostanaı oblysynda jańbyr, naızaǵaı, keı jerlerde nóser, burshaq jáne daýyl bolady. Jeldiń ekpini 23 m/s-qa deıin kúsheıedi. Oblystyń ońtústiginde tótenshe, qalǵan birqatar aýmaǵynda joǵary órt qaýpi saqtalady.
Qaraǵandy oblysynyń batysynda túnde, kúndiz óńirdiń birqatar bóliginde jańbyr, naızaǵaı, keı jerlerde nóser jaýyn, burshaq jáne daýyl kútiledi. Soltústigi men shyǵysynda jeldiń ekpini 15–20 m/sbolady. Óńirde joǵary jáne tótenshe órt qaýpi saqtalady.
Qyzylorda oblysynyń soltústiginde jańbyr men naızaǵaı boljanady. Ortalyǵy, soltústigi jáne ońtústiginde shańdy daýyl soǵady. Jeldiń ekpini 15–20 m/s. Oblysta tótenshe órt qaýpi saqtalady.
Mańǵystaý oblysynyń soltústigi men batysynda jańbyr, naızaǵaı kútiledi. Soltústik-shyǵysy men ortalyǵynda shańdy daýyl bolady. Kúndiz aýa temperatýrasy 38 gradýsqa deıin kóteriledi. Óńirde joǵary jáne tótenshe órt qaýpi saqtalady.
Pavlodar oblysynda jańbyr, naızaǵaı, keı jerlerde qatty jańbyr, burshaq jáne daýyl kútiledi. Jeldiń ekpini 25 m/s-qa deıin jetedi. Shyǵysy men ońtústiginde joǵary, ońtústik-shyǵysynda tótenshe órt qaýpi saqtalady.
Soltústik Qazaqstan oblysynda jańbyr, naızaǵaı, keı jerlerde qatty jańbyr, burshaq jáne daýyl bolady. Jeldiń ekpini 25 m/s-qa deıin kúsheıedi. Oblystyń ońtústiginde joǵary órt qaýpi saqtalady.
Ulytaý oblysynyń batysynda, soltústiginde jáne shyǵysynda jańbyr, naızaǵaı kútiledi. Soltústiginde kúndiz qatty jańbyr, burshaq jáne daýyl bolady. Jeldiń ekpini 15–20 m/s. Óńirde joǵary jáne tótenshe órt qaýpi saqtalady.
Túrkistan oblysynyń taýly jáne taý bókterindegi aýdandarynda ótkinshi jańbyr men naızaǵaı boljanady. Soltústiginde shańdy daýyl soǵady. Jeldiń ekpini 15–20 m/s-qa deıin jetedi. Oblysta tótenshe órt qaýpi saqtalady.
Osyǵan deıin aptap ystyqqa baılanysty Ózbekstanda poıyzdardyń jyldamdyǵy tómendeıtini týraly jazdyq.
