Astana men 16 óńirde eskertý jarııalandy: aptap ystyq 42 gradýsqa deıin jetedi
ASTANA. KAZINFORM – 2 tamyzda Qazaqstannyń 17 oblysy men Astana qalasynda naızaǵaı, burshaq, ekpindi jel, nóser jańbyr, shańdy daýyl jáne +42 gradýsqa deıingi aptap ystyqqa baılanysty daýyldy eskertý jarııalandy. Bul týraly «Qazgıdromet» RMK habarlady.
Astanada qysqa merzimdi jańbyr jaýyp, naızaǵaı oınaıdy, kúndiz burshaq túsýi yqtımal.
Abaı oblysynda oblystyń batysy men soltústiginde jańbyr jaýyp, naızaǵaı kútiledi. Jeldiń ekpini sekýndyna 15-20 metrge deıin kúsheıedi. Kúndiz aýa temperatýrasy 35-38 gradýsqa deıin kóteriledi. Oblystyń ońtústigi men ortalyǵynda joǵary, soltústik-shyǵysynda tótenshe órt qaýpi saqtalady. Semeıde jańbyr jaýyp, naızaǵaı oınaıdy, kúndiz 35-37 gradýs ystyq bolady.
Aqmola oblysynda túnde oblystyń soltústigi, ońtústigi men shyǵysynda jańbyr jaýyp, naızaǵaı bolady. Kúndiz jańbyr, naızaǵaı, burshaq jáne daýyl kútiledi. Keı jerlerde tuman túsedi. Jeldiń ekpini 15-20 m/s-qa deıin jetedi. Batysynda tótenshe, ońtústiginde joǵary órt qaýpi saqtalady. Kókshetaýda jańbyr men naızaǵaı bolady.
Aqtóbe oblysynda oblystyń batysy, soltústigi jáne shyǵysynda jańbyr, naızaǵaı, burshaq pen daýyl kútiledi. Jeldiń ekpini 15-20 m/s bolady. Soltústiginde joǵary, óńirdiń qalǵan bóliginde tótenshe órt qaýpi saqtalady. Aqtóbede de jańbyr, naızaǵaı, burshaq jáne qatty jel boljanyp otyr.
Almaty oblysynyń taýly aýdandarynda qysqa merzimdi jańbyr jaýyp, naızaǵaı bolady. Kúndiz 35-39 gradýsqa deıin aptap ystyq kútiledi. Soltústigi, batysy jáne ońtústiginde tótenshe, shyǵysynda joǵary órt qaýpi saqtalady. Almatyda kúndiz 36-38 gradýs, Qonaevta 37-39 gradýs ystyq bolady.
Atyraý oblysynda shyǵysta túnde jeldiń ekpini 15-18 m/s-qa deıin kúsheıedi. Kúndiz aýa temperatýrasy 35 gradýsqa deıin kóteriledi. Óńirde tótenshe órt qaýpi saqtalady. Atyraý qalasynda da tótenshe órt qaýpi jarııalanǵan.
Shyǵys Qazaqstan oblysynda kúndiz 35-38 gradýs ystyq bolady. Oblystyń ońtústiginde tótenshe órt qaýpi saqtalady. Óskemende aýa temperatýrasy 35 gradýsqa deıin kóteriledi.
Jambyl oblysynyń taýly aýdandarynda qysqa merzimdi jańbyr men naızaǵaı kútiledi. Jeldiń ekpini 15-20 m/s-qa deıin jetedi. Kúndiz aýa temperatýrasy 38-40 gradýsqa deıin kóteriledi. Oblysta tótenshe, shyǵysy men ońtústiginde joǵary órt qaýpi saqtalady. Tarazda da 38-40 gradýs aptap ystyq bolady.
Batys Qazaqstan oblysynyń shyǵysynda qysqa merzimdi jańbyr, naızaǵaı jáne burshaq kútiledi. Jeldiń ekpini 15-20 m/s bolady. Batysy men ońtústiginde tótenshe, óńirdiń qalǵan bóliginde joǵary órt qaýpi saqtalady.
Qaraǵandy oblysynyń batysy men soltústiginde azdaǵan jańbyr jaýyp, naızaǵaı bolady. Jeldiń ekpini 15 m/s-qa deıin kúsheıedi. Kúndiz aýa temperatýrasy 35-38 gradýsqa deıin jetedi. Oblystyń shyǵysy men ońtústiginde tótenshe, batysynda joǵary órt qaýpi saqtalady. Qaraǵandyda jańbyr, naızaǵaı jáne 35-36 gradýs ystyq kútiledi.
Qostanaı oblysynyń batysynda túnde jańbyr jaýyp, naızaǵaı bolady. Kúndiz óńirdiń batysy, soltústigi jáne shyǵysynda nóser, naızaǵaı, burshaq jáne daýyl kútiledi. Jeldiń ekpini 15-20 m/s bolady. Batysy, shyǵysy men ortalyǵynda joǵary, ońtústigi men ońtústik-shyǵysynda tótenshe órt qaýpi saqtalady. Qostanaıda jańbyr, naızaǵaı jáne burshaq boljanyp otyr.
Qyzylorda oblysynyń ortalyǵynda shańdy daýyl kútiledi. Jeldiń ekpini 15-20 m/s bolady. Kúndiz aýa temperatýrasy 40 gradýsqa deıin kóteriledi. Óńirde tótenshe órt qaýpi saqtalady. Qyzylorda qalasynda da 40 gradýs aptap ystyq bolady.
Mańǵystaý oblysynyń batysy men ortalyǵynda tańerteń jáne kúndiz jańbyr jaýyp, naızaǵaı oınaıdy. Jeldiń ekpini 15-18 m/s bolady. Oblystyń ońtústiginde 38-40 gradýs ystyq kútiledi. Batysy men soltústiginde joǵary, soltústik-shyǵysy men ortalyǵynda tótenshe órt qaýpi saqtalady. Aqtaýda joǵary órt qaýpi jarııalanǵan.
Pavlodar oblysynyń batysy, soltústigi men ońtústiginde naızaǵaı, soltústiginde qatty jańbyr, burshaq jáne daýyl kútiledi. Jeldiń ekpini 15-20, keı jerlerde 25 m/s-qa deıin jetedi. Kúndiz 35-37 gradýs ystyq bolady. Pavlodarda jańbyr, naızaǵaı, burshaq jáne qatty jel kútiledi.
Soltústik Qazaqstan oblysynyń batysy men soltústiginde túnde jańbyr, naızaǵaı bolady. Kúndiz jańbyr, naızaǵaı, burshaq jáne daýyl kútiledi. Keı jerlerde tuman túsedi. Jeldiń ekpini 15-23 m/s-qa deıin kúsheıedi. Oblystyń ońtústik-batysynda joǵary órt qaýpi saqtalady. Petropavlda jańbyr, naızaǵaı, burshaq jáne qatty jel boljanyp otyr.
Túrkistan oblysynyń batysy men soltústiginde shańdy daýyl bolady. Jeldiń ekpini 15-20 m/s-qa deıin kúsheıedi. Kúndiz aýa temperatýrasy 40-42 gradýsqa deıin kóteriledi. Óńirde tótenshe, shyǵysy, soltústik-shyǵysy jáne batysynda joǵary órt qaýpi saqtalady. Shymkentte tótenshe órt qaýpi jarııalanǵan. Túrkistan qalasynda 40-42 gradýs aptap ystyq kútiledi.
Ulytaý oblysynyń soltústigi men shyǵysynda azdaǵan jańbyr jaýyp, naızaǵaı bolady. Jeldiń ekpini 15-20 m/s-qa deıin jetedi. Kúndiz aýa temperatýrasy 35-37 gradýsqa deıin kóteriledi. Oblystyń ońtústigi men shyǵysynda tótenshe, qalǵan bóliginde joǵary órt qaýpi saqtalady. Jezqazǵanda jel kúsheıip, joǵary órt qaýpi saqtalady.
Buǵan deıin «Qazgıdromet» tamyzdyń alǵashqy onkúndiginde Qazaqstannyń basym bóliginde soltústik-batys tsıklony men atmosferalyq fronttardyń áserinen aýa raıy qubylmaly bolatynyn habarlaǵan.
Osyǵan deıin Ekologııa mınıstrligi Aqbulaq ózenindegi maıly daqtarǵa qatysty túsinik berdi.
