Qazaqstannyń 17 oblysy men Astanada aýa raıyna baılanysty eskertý jarııalandy
ASTANA. KAZINFORM — 21 maýsymda Qazaqstannyń 17 oblysy men Astana qalasynda qolaısyz aýa raıyna baılanysty eskertý jarııalandy, dep habarlaıdy Qazgıdromet.
Eldiń birqatar óńirinde jańbyr jaýyp, naızaǵaı oınaıdy.
Keı aımaqtarda burshaq túsip, ekpindi jel soǵady.
Sonymen qatar birneshe oblysta aptap ystyq saqtalyp, órt qaýpi kúsheıedi.
Astanada kúndiz aýa temperatýrasy 35 gradýsqa deıin kóteriledi.
Abaı oblysynda jeldiń ekpini sekýndyna 15–20 metrge jetedi.
Óńirde kúndiz 35–37 gradýs ystyq kútiledi.
Oblystyń birqatar aýdanynda joǵary jáne tótenshe órt qaýpi saqtalady.
Aqmola oblysynyń batysy men soltústiginde jańbyr, naızaǵaı jáne burshaq boljanyp otyr.
Kúndiz aýa temperatýrasy 35–38 gradýsqa deıin ysıdy.
Aqtóbe oblysynyń batysy men soltústiginde jańbyr jaýyp, naızaǵaı bolady.
Óńirde 35–36 gradýs aptap ystyq kútiledi.
Atyraý oblysynyń batysynda, soltústiginde jáne ońtústiginde jańbyr jaýyp, naızaǵaı oınaıdy.
Keı jerlerde burshaq túsýi múmkin.
Kúndiz aýa temperatýrasy 35 gradýsqa deıin kóteriledi.
Almaty oblysynyń taý bókteri men taýly aýdandarynda jańbyr men naızaǵaı kútiledi.
Oblystyń soltústiginde aýa temperatýrasy 38 gradýsqa deıin jetedi.
Shyǵys Qazaqstan oblysynyń soltústigi men shyǵysynda qysqa merzimdi jańbyr jaýady.
Óńirde 35–36 gradýs ystyq saqtalady.
Jambyl oblysynyń batysynda, ońtústiginde jáne taýly aýdandarynda jańbyr men naızaǵaı bolady.
Jetisý oblysynyń ońtústigi men taýly bólikterinde jaýyn-shashyn kútiledi.
Alakól mańynda jel kúsheıedi.
Batys Qazaqstan oblysynda jańbyr, naızaǵaı, burshaq jáne daýyl boljanǵan.
Qaraǵandy oblysynyń batysy men ońtústiginde 35–36 gradýs ystyq bolady.
Óńirdiń birneshe aýdanynda tótenshe órt qaýpi saqtalady.
Qostanaı oblysynyń batysy men soltústiginde jańbyr, naızaǵaı jáne burshaq kútiledi.
Oblystyń ońtústiginde aýa temperatýrasy 40 gradýsqa deıin kóteriledi.
Qyzylorda oblysynda aptap ystyq kúsheıedi.
Kúndiz aýa temperatýrasy 40–42 gradýsqa deıin jetedi.
Óńirde tótenshe órt qaýpi saqtalady.
Mańǵystaý oblysynyń batysy men soltústiginde jańbyr men naızaǵaı bolady.
Oblystyń keı bóliginde kúndiz 42 gradýsqa deıin ystyq bolady.
Pavlodar oblysynda 35 gradýs aptap ystyq kútiledi.
Soltústik Qazaqstan oblysynda túnde jáne tańerteń tuman túsýi múmkin.
Kúndiz aýa temperatýrasy 35 gradýsqa deıin kóteriledi.
Túrkistan oblysynyń soltústigi, batysy jáne taýly aýdandarynda jańbyr men naızaǵaı boljanyp otyr.
Shymkent pen Túrkistan qalalarynda da qysqa merzimdi jańbyr jaýady.
Ulytaý oblysynyń ońtústigi men shyǵysynda jańbyr men naızaǵaı kútiledi.
Óńirdiń batysy men ońtústiginde aýa temperatýrasy 40–41 gradýsqa deıin jetýi múmkin.
Sınoptıkter turǵyndarǵa kúnniń aptap ýaqytynda syrtta uzaq júrmeýge jáne órt qaýipsizdigi talaptaryn qatań saqtaýǵa keńes beredi.
Osyǵan deıin jaz mezgilinde kókónisten ýlanyp qalmaý úshin ne isteý kerektigi týraly jazdyq.
