Qazaqstannyń 17 oblysy men 3 megapolısinde kún raıyna baılanysty eskertý jarııalandy
ASTANA. KAZINFORM — 6 maýsymda Qazaqstannyń 17 oblysy men Astana, Almaty jáne Shymkent qalalarynda qolaısyz aýa raıyna baılanysty eskertý jarııalandy, dep habarlaıdy Qazgıdromet.
Eldiń birqatar óńirinde jańbyr jaýyp, naızaǵaı oınaıdy.
Keı jerlerde burshaq túsip, kúshti jel soǵady.
Astanada jańbyr jaýyp, naızaǵaı oınaıdy.
Almaty oblysynyń batysynda, ońtústiginde, shyǵysynda jáne taýly aýdandarynda ótkinshi jańbyr jaýyp, naızaǵaı oınaıdy.
Óńirdiń soltústiginde tótenshe órt qaýpi, al batysynda joǵary órt qaýpi saqtalady.
Qonaev qalasynda túnde jáne tańerteń jańbyr jaýyp, naızaǵaı oınaıdy.
Іle Alataýynyń taýly bóliginde de jaýyn-shashyn men naızaǵaı boljanyp otyr.
Almaty qalasynda qysqa merzimdi jańbyr jaýyp, naızaǵaı oınaıdy.
Aqmola oblysynyń batysynda, soltústiginde jáne shyǵysynda jańbyr men naızaǵaı kútiledi.
Kúndiz burshaq jaýýy múmkin.
Jeldiń ekpini keı ýaqytta sekýndyna 28 metrge deıin kúsheıedi.
Atyraý oblysynyń batysy men soltústiginde jańbyr jaýyp, naızaǵaı bolady.
Ulytaý oblysynda joǵary órt qaýpi saqtalady.
Qaraǵandy oblysynyń shyǵysynda naızaǵaı oınap, jańbyr jaýady.
Oblystyń batysynda, soltústiginde jáne ortalyǵynda tótenshe órt qaýpi saqtalyp otyr.
Pavlodar oblysynyń batysy men ońtústiginde jańbyr jaýady.
Óńirde kúndiz aýa temperatýrasy 35 gradýsqa deıin kóteriledi.
Shyǵys Qazaqstan oblysynyń shyǵysynda naızaǵaı oınaıdy.
Oblystyń ońtústiginde tótenshe órt qaýpi jarııalanǵan.
Abaı oblysynda kúndiz aptap ystyq bolady.
Aýa temperatýrasy 35 gradýsqa deıin jetedi.
Óńirdiń birneshe aýdanynda joǵary jáne tótenshe órt qaýpi saqtalady.
Qostanaı oblysynyń batysynda, soltústiginde jáne shyǵysynda jańbyr men naızaǵaı bolady.
Túnde jáne tańerteń tuman túsýi múmkin.
Jeldiń ekpini sekýndyna 15-18 metrge deıin kúsheıedi.
Soltústik Qazaqstan oblysynda jańbyr, naızaǵaı, burshaq jáne kúshti jel kútiledi.
Keı aýdandarda shańdy daýyl soǵýy múmkin.
Jeldiń ekpini sekýndyna 28 metrge deıin jetedi.
Túrkistan oblysynyń taýly jáne taý bókterindegi aýdandarynda jańbyr jaýyp, naızaǵaı bolady.
Óńirdiń ortalyǵynda tótenshe órt qaýpi kútiledi.
Shymkent qalasynda ótkinshijańbyr men naızaǵaı boljanyp otyr.
Qyzylorda oblysynyń basym bóliginde joǵary jáne tótenshe órt qaýpi saqtalady.
Jetisý oblysynyń shyǵysynda, ońtústiginde, ortalyǵynda jáne taýly aýdandarynda jańbyr jaýady.
Taýly óńirlerde qatty jańbyr men burshaq kútiledi.
Aqtóbe oblysynyń batysynda, soltústiginde jáne ortalyǵynda jańbyr men naızaǵaı bolady.
Oblystyń ońtústiginde tótenshe órt qaýpi saqtalady.
Batys Qazaqstan oblysynda qatty jańbyr, naızaǵaı, burshaq jáne daýyl bolady.
Oral qalasynda da kúndiz qatty jańbyr jaýýy yqtımal.
Mańǵystaý oblysynyń soltústigi men ortalyǵynda jańbyr men naızaǵaı boljanyp otyr.
Jambyl oblysynyń soltústiginde, ońtústiginde jáne taýly aýdandarynda jańbyr jaýyp, naızaǵaı oınaıdy.
Taraz qalasynda da kúndiz qysqa merzimdi jańbyr kútiledi.
Sınoptıkter turǵyndarǵa aýa raıynyń kúrt nasharlaýyna baılanysty qaýipsizdik sharalaryn saqtaýǵa keńes beredi.
Aıta keteıik, Astanada aldaǵy úsh aı boıy ashyq aspan astynda tegin ıoga jattyǵýlary ótedi.
