Qazaqstannyń 16 óńirinde kún raıyna baılanysty eskertý jarııalandy

ASTANA. KAZINFORM – Sınoptıkter Qazaqstannyń 16 óńirinde kún raıyna baılanysty eskertý jarııalady.

«Qazgıdromet» RMK málimetterine qaraǵanda, 31 qańtarda Túrkistan oblysynyń batysynda, ońtústiginde jáne taýly aımaqtarynda jaýyn-shashyn (jańbyr, qar) jaýyp, kóktaıǵaq, jaıaý burqasyn, tuman bolady. Taýly óńirlerde jaýyn-shashyn mol túsýi múmkin. Jel soltústik-shyǵystan soǵyp, taýly aımaqtarda sekýndyna 15–20 metrge deıin kúsheıedi.

Qaraǵandy oblysynyń batysynda, soltústiginde jáne shyǵysynda tuman túsedi.

Ulytaý oblysynyń soltústiginde, shyǵysynda jáne ortalyǵynda tuman túsedi.

Jambyl oblysynyń taýly aımaqtarynda qar jaýyp, jaıaý burqasyn bolady. Keı jerlerde tuman men kóktaıǵaq kútiledi. Jel soltústik-shyǵystan soǵyp, jyldamdyǵy taýly óńirlerde 15–20 m/s-qa deıin jetedi.

Batys Qazaqstan oblysynyń batysy men soltústiginde azdaǵan qar jaýyp, jaıaý burqasyn baıqalady. Sondaı-aq tuman men kóktaıǵaq bolady. Jel ońtústik jáne ońtústik-shyǵystan soǵyp, kúndiz oblystyń batysynda, soltústiginde jáne ońtústiginde ekpini 15–20 m/s-qa deıin kúsheıedi.

Pavlodar oblysynyń ońtústigi men shyǵysynda tuman túsedi.

Shyǵys Qazaqstan oblysynyń soltústiginde, shyǵysynda jáne ortalyǵynda tuman bolady. Jel shyǵystan jáne ońtústik-shyǵystan soǵyp, kúndiz oblystyń ońtústik-shyǵysynda ekpini 15–18 m/s-qa jetedi.

Abaı oblysynyń soltústiginde, shyǵysynda jáne ońtústiginde tuman túsedi. Jel shyǵys jáne ońtústik-shyǵystan soǵyp, oblystyń ońtústigi men ortalyǵynda 15–20 m/s, kúndiz ekpini 23 m/s-qa deıin kúsheıedi.

Atyraý oblysynyń batysynda azdaǵan qar jaýyp, jaıaý burqasyn bolady. Oblystyń batysynda, soltústiginde jáne ońtústiginde tuman túsedi. Jel ońtústik-shyǵystan soǵyp, batys pen ońtústikte ekpini 15–20 m/s-qa jetedi.

Mańǵystaý oblysynyń soltústik-shyǵysynda jáne ortalyǵynda tuman túsedi.

Soltústik Qazaqstan oblysynyń batysy men soltústiginde azdaǵan qar jaýyp, jaıaý burqasyn bolady. Oblystyń ońtústiginde tuman túsedi. Jel ońtústik-batystan soǵyp, batys, soltústik jáne ońtústik aımaqtarda ekpini 15–20 m/s-qa deıin kúsheıedi.

Qyzylorda oblysynda tuman túsip, kóktaıǵaq kútiledi. Jel shyǵys jáne soltústik-shyǵystan soǵyp, túnde oblystyń soltústiginde 15–20 m/s-qa jetedi.

Qostanaı oblysynyń soltústiginde tańerteń jáne kúndiz azdaǵan qar jaýyp, jaıaý burqasyn bolady. Oblystyń batysynda, shyǵysynda jáne ońtústiginde tuman túsedi.

Aqmola oblysynyń shyǵysynda jáne ońtústiginde tuman túsedi. Jel ońtústik-batys jáne ońtústik-shyǵystan soǵyp, oblystyń soltústiginde ekpini 15–20 m/s-qa jetedi.

Aqtóbe oblysynyń soltústik-shyǵysynda jáne shyǵysynda tuman túsedi.

Jetisý oblysynyń soltústiginde, shyǵysynda, ortalyǵynda jáne taýly aımaqtarynda tuman túsedi. Alakól kólderi mańynda jel soltústik-shyǵystan soǵyp, ekpini 15–20 m/s, keı ýaqyttarda 23–28 m/s-qa deıin kúsheıedi.

Osyǵan deıin demalys kúnderiniń kún raıy boljamyn jarııaladyq.