Qazaqstannyń 16 óńirinde daýyldy eskertý jarııalandy
ASTANA. KAZINFORM – «Qazgıdromet» RMK sınoptıkteri Qazaqstannyń 16 óńirinde 16 shilde kúni aýa raıynyń qolaısyzdyǵyna baılanysty daýyldy eskertý jarııalanǵanyn málimdedi. Birqatar aımaqtarda naızaǵaı, burshaq, kúshti jel men aptap ystyq kútiledi.
«Qazgıdromet» málimetinshe, Shymkent qalasynda 16 shilde kúni tótenshe órt qaýpi saqtalady.
Kúndiz Abaı oblysynyń shyǵysynda, ońtústiginde jáne ortalyǵynda naızaǵaı oınap, burshaq jaýady. Jel soltústik-shyǵystan, shyǵystan soǵady. Kúndiz atalǵan aımaqtarda jeldiń jyldamdyǵy 15–20 m/s, ekpini 23 m/s-ke jetedi. Ońtústiginde 38 gradýsqa deıin aptap ystyq bolady. Soltústik-batysynda jáne ortalyǵynda joǵary órt qaýpi, ońtústiginde tótenshe órt qaýpi saqtalady.
Aqmola oblysynyń batysy men soltústiginde naızaǵaı kútiledi. Jel ońtústik-batystan soǵady, kúndiz batysy men soltústiginde ekpini 15–20 m/s. Batysynda jáne ońtústiginde joǵary órt qaýpi bar.
Aqtóbe oblysynyń batysynda, soltústiginde jáne ortalyǵynda kúndiz naızaǵaı bolady. Jel batystan, soltústik-batystan soǵady, kúndiz batysynda jáne ortalyǵynda ekpini 15–20 m/s. Ońtústiginde 35–38 gradýsqa deıin ystyq bolady. Ortalyǵynda jáne ońtústiginde tótenshe órt qaýpi, soltústiginde, batysynda jáne shyǵysynda joǵary órt qaýpi saqtalady.
Almaty oblysynyń taýly aýdandarynda jáne kúndiz ońtústiginde naızaǵaı oınaıdy. Jel ońtústik-shyǵystan ońtústik-batysqa aýysady, taýly jáne ońtústik aımaqtarda ekpini 15–20 m/s.
Atyraý oblysynyń soltústiginde jáne batysynda kúndiz burshaq jaýyp, túnde naızaǵaı kútiledi. Jel soltústik-batystan ońtústik-batysqa aýysady, soltústigi men batysynda ekpini 15–20 m/s. Kúndiz oblys boıynsha 35–38 gradýsqa deıin qatty ystyq bolady. Soltústiginde jáne shyǵysynda tótenshe, ońtústiginde joǵary órt qaýpi saqtalady.
Shyǵys Qazaqstan oblysynyń batysynda, soltústiginde jáne shyǵysynda naızaǵaı oınap, burshaq jaýady. Jel ońtústik-shyǵystan soltústik-shyǵysqa aýysady, kúndiz osy óńirlerde ekpini 15–20 m/s, keı jerlerde 23 m/s-ke deıin jetedi. Ońtústiginde kúndiz 35 gradýsqa deıin ystyq bolady.
Jambyl oblysynyń taýly aımaqtarynda kúndiz naızaǵaı kútiledi. Jel soltústik-batystan soltústik-shyǵysqa aýysady, soltústik-shyǵysynda jáne taýly aýdandarda ekpini 15–20 m/s. Kúndiz 38 gradýsqa deıin qatty ystyq saqtalady. Batysynda, ońtústiginde jáne shyǵysynda tótenshe órt qaýpi bar.
Batys Qazaqstan oblysynyń soltústiginde qatty jańbyr jaýady. Batysynda, soltústiginde jáne shyǵysynda naızaǵaı, kúndiz burshaq jaýýy múmkin. Jel soltústik-shyǵystan, soltústikten soǵady, kúndiz batysynda, soltústiginde jáne ońtústiginde ekpini 15–20 m/s. Ońtústiginde 36 gradýsqa deıin ystyq bolady. Joǵary órt qaýpi saqtalady.
Qaraǵandy oblysynda jel ońtústik-shyǵystan ońtústik-batysqa aýysady, batysy men ortalyǵynda jyldamdyǵy 15–18 m/s. Ońtústiginde kúndiz 35 gradýsqa deıin ystyq bolady. Soltústigi men shyǵysynda joǵary, batysy men ońtústiginde tótenshe órt qaýpi bar.
Qostanaı oblysynyń soltústigi men shyǵysynda kúndiz naızaǵaı, burshaq kútiledi. Jel soltústik-batystan, batystan soǵady, kúndiz soltústigi men shyǵysynda ekpini 15–20 m/s. Ońtústiginde 35 gradýsqa deıin qatty ystyq bolady. Ońtústik-batysynda tótenshe, ońtústik-shyǵysynda joǵary órt qaýpi saqtalady.
Qyzylorda oblysynda jel soltústik-batystan soǵady, soltústigi men ortalyǵynda ekpini 15–20 m/s. Kúndiz 40 gradýsqa deıin aptap ystyq bolady. Tótenshe órt qaýpi bar.
Mańǵystaý oblysynda kúndiz 38–42 gradýsqa deıin aptap ystyq kútiledi. Tótenshe órt qaýpi saqtalady.
Soltústik Qazaqstan oblysynyń soltústigi men shyǵysynda kúndiz qatty jańbyr, burshaq jaýady. Batysynda, soltústiginde jáne shyǵysynda naızaǵaı bolady. Jel batystan, soltústik-batystan soǵady, osy óńirlerde jyldamdyǵy 15–20 m/s, kúndiz ekpini 25 m/s-ke jetýi múmkin.
Túrkistan oblysynyń batysynda jáne shóldi aýdandarynda kúndiz 40 gradýsqa deıin aptap ystyq kútiledi. Tótenshe órt qaýpi saqtalady.
Ulytaý oblysynda jel ońtústik-batystan soǵady, kúndiz batysynda jáne ortalyǵynda ekpini 15–18 m/s. Kúndiz 35–36, al ońtústiginde 39 gradýsqa deıin ystyq bolady. Oblys boıynsha joǵary, ortalyǵy men ońtústiginde — tótenshe, shyǵysynda tótenshe órt qaýpi saqtalady.