Qazaqstannyń 16 oblysynda aýa raıyna baılanysty eskertý jarııalandy

ASTANA. KAZINFORM – Cınoptıkter Qazaqstannyń 16 oblysynda aýa raıyna baılanysty eskertý jarııalady. 

«Qazgıdromet» RMK aqparatyna sáıkes, 26 qańtarda Astanada kóktaıǵaq, burqasyn kútiledi. Ońtústik-batystan soǵatyn jeldiń ekpini - 15-20 m/s, kúndiz keı kezde - 23 m/s.

Almatyda tańerteń jáne kúndiz keı jerlerde kóktaıǵaq bolady. Qonaevta tuman túsedi. 

Shymkentte túnde qatty qar aralasa jańbyr jaýýy yqtımal. Tuman túsip, kóktaıǵaq bolady. 

Kúndiz Abaı oblysynda  burqasyn kútiledi. Ońtústik, ońtústik-batystan soǵatyn jeldiń ekpini - 15-20 m/s. 

Aqmola oblysynyń batysy men soltústiginde qalyń qar jaýady. Kóktaıǵaq, boran kútilýde. Oblystyń ońtústik-batysy men soltústik-batysynan soǵatyn jeldiń ekpini - 15-20 m/s, oblystyń shyǵysynan soǵatyn jeldiń ekipini - 23-28 m/s. Kókshetaýda qarly boran bolady. 

Jambyl oblysynyń taýly aımaqtarynda kóktaıǵaq kútiledi. Qańtardyń 26-nan 27-sine qaraǵan túni ońtústikte, oblystyń taýly aımaqtarynda qarly boran soǵady. 26-28 qańtarda ońtústikte, oblystyń taýly aımaqtarynda tuman túsedi. 26-28 qańtarda jel ońtústik-batystan soltústik-shyǵysqa aýysady, ońtústik-batysta, soltústik-shyǵysta, oblystyń taýly aýdandarynan soǵatyn jeldiń ekpini - 15-20 m/s, keı jerlerde - 23 m/s. Tarazda 27-28 qańtarda túnde jáne tańerteń tuman túsedi. 26 qańtarda ońtústik-batystan soǵatyn jel (15-20 m/s) túnde kúsheıedi. 

26 qańtarda Batys Qazaqstan oblysynyń batysynda tuman kútiledi. 

Qaraǵandy ​​oblysynyń soltústiginde qarly boran soǵady. Jel ońtústikten, oblystyń soltústiginde ońtústik-batystan soǵady, ekpini 15-20 m/s. Qaraǵandyda túnde burqasyn kútiledi. Kúndiz ońtústik, ońtústik-batystan soǵatyn jeldiń ekpini  - 18 m/s. 

Qostanaı oblysynyń soltústiginde, shyǵysynda, ońtústik-shyǵysynda qar jaýyp, burqasyn bolady.  

Qyzylorda oblysynyń ortalyǵynda tuman kútiledi. 

Mańǵystaý oblysynyń batysy men ońtústiginen, ońtústik-shyǵysynan soǵatyn jeldiń ekpini - 15-20 m/s. Aqtaýda ońtústik-shyǵystan soǵatyn jeldiń ekpini - 15-20 m/s. 

Pavlodar oblysynyń ońtústigi men batysynda qarly boran bolady dep kútilýde. Ońtústik-batystan jel soǵady, oblystyń ońtústigi men batysynda soǵatyn jeldiń ekpini - 15-20 m/s. 

Soltústik Qazaqstan oblysynda qalyń qar jaýady. Aımaqtyń basym bóliginde burqasyn kútiledi. Túnde jáne tańerteń oblystyń shyǵysynda tuman túsýi yqtımal. Oblystyń batysynan, ońtústiginen, shyǵysynan, soltústik-shyǵysynan jel soǵady, ekpini - 15-20 m/s. Petropavlda qarly boran bolady. 

26 qańtarda Túrkistan oblysynyń taýly jáne taý bókterindegi aımaqtarynda qatty jaýyn-shashyn (jańbyr, qar), kóktaıǵaq kútiledi. Oblys ortalyǵynda, ońtústiginde, taýly jáne taý bókterindegi aýdandarda tuman túsedi. Oblystyń taý asýlarynda qar jaýady. Jel soltústik-batystan soǵady, oblystyń taýly asýlarynda shyǵystan soǵatyn jeldiń kúshi - 15-20 m/s. Túrkistanda keı jerlerde tuman kútiledi. 

Ulytaý oblysynyń soltústiginde qarly boran bolady. Túnde Jezqazǵanda qarly boran kútiledi.