Qazaqstannyń 16 oblysynda aýa raıyna aılanysty eskertý jarııalandy
ASTANA. KAZINFORM- 26 qazan, dúısenbi kúni Qazaqstannyń 16 oblysynda, sondaı-aq Almaty men Shymkent qalalarynda aýa raıyna baılanysty eskertý jarııalandy. Sınoptıkter qatty jel, tuman, kóktaıǵaq, shańdy daýyl jáne úsik bolatynyn eskertti, dep habarlaıdy Qazgıdromet.
Sınoptıkterdiń boljamynsha, Qazaqstannyń basym bóligi keń aýqymdy antıtsıklonnyń yqpalynda bolady. Eldiń kóp óńirinde kún jaýyn-shashynsyz bolady. Soltústik, ońtústik-shyǵys jáne ortalyq aımaqtarda jańbyr men qar jaýyp, keı jerlerde kóktaıǵaq bolady. Birqatar óńirde jel kúsheıedi.
Almaty oblysynyń shyǵysy men taýly aýdandarynda jeldiń ekpini sekýndyna 17–22 metrge jetedi. Túnde óńirde aýa temperatýrasy -2…-7 gradýsqa deıin tómendeıdi. Oblystyń batysy, ońtústigi men shyǵysynda joǵary órt qaýpi saqtalady. Qonaevta túnde -2…-4 gradýs aıaz bolyp, joǵary órt qaýpi jalǵasady. Almaty qalasynda da túnde -2…-4 gradýsqa deıin úsik júredi. Іle Alataýynyń taýlarynda, Medeý jáne Bostandyq aýdandarynyń taýly aımaqtarynda jeldiń ekpini sekýndyna 17–22 metrge jetýi múmkin. Qalada joǵary órt qaýpi saqtalady.
Abaı, Shyǵys Qazaqstan, Jambyl, Jetisý, Batys Qazaqstan, Qaraǵandy, Qostanaı, Pavlodar, Soltústik Qazaqstan jáne Ulytaý oblystarynyń birqatar aýmaǵynda tuman túsedi. Jambyl oblysynyń ońtústik-batysynda, soltústik-shyǵysynda jáne taýly aýdandarynda jeldiń ekpini sekýndyna 15–20 metrge, túnde 25 metrge deıin jetedi. Óńirde túngi aıaz -3…-8 gradýsqa deıin kúsheıip, Tarazda -6…-8 gradýs bolady. Jetisý oblysynda Alakól kólderi mańynda jeldiń ekpini sekýndyna 23–28 metrge jetýi yqtımal. Túnde oblysta -2…-7 gradýs, ortalyq bóliginde -11 gradýsqa deıin aıaz bolady. Taldyqorǵanda aýa temperatýrasy -9…-11 gradýsqa deıin tómendeıdi.
Atyraý, Qyzylorda jáne Túrkistan oblystarynyń keı jerlerinde shańdy daýyl soǵady. Atyraý oblysynyń batysy men ońtústiginde kúndiz shańdy daýyl turyp, batysynda jeldiń ekpini sekýndyna 15–20 metrge jetedi. Qyzylorda oblysynyń ortalyǵynda, ońtústigi men soltústiginde jeldiń ekpini sekýndyna 15–20 metrge deıin kúsheıedi. Qyzylorda qalasynda da shańdy daýyl soǵyp, jeldiń ekpini sekýndyna 15 metrge jetedi. Túrkistan oblysynyń soltústiginde shańdy daýyl bolady. Óńirdiń batysy, soltústigi, taýly jáne taý bókterindegi aýdandarynda jel sekýndyna 15–20 metrge deıin kúsheıedi. Túnde oblystyń soltústigi men batysynda, sondaı-aq Túrkistan qalasynda -1…-3 gradýs úsik júredi.
Pavlodar oblysynyń batysy men ońtústiginde jańbyr men qar jaýyp, kóktaıǵaq bolady. Soltústik Qazaqstan oblysynyń shyǵysynda túnde azdaǵan jańbyr men qar jaýyp, kóktaıǵaq bolýy yqtımal.
Birqatar óńirde órt qaýpi joǵary nemese tótenshe deńgeıde saqtalady. Aqtóbe oblysynyń shyǵysynda joǵary, batysynda, ońtústigi men ortalyǵynda tótenshe órt qaýpi bar. Atyraý oblysynyń búkil aýmaǵynda, sonyń ishinde Atyraý qalasynda tótenshe órt qaýpi saqtalady. Mańǵystaý oblysynyń ortalyq bóliginde, Qyzylorda oblysynda jáne Ulytaý oblysynyń batysy men ortalyǵynda, sondaı-aq Jezqazǵanda tótenshe órt qaýpi jarııalanǵan. Jambyl oblysynyń soltústigi, ońtústigi men shyǵysynda, Jetisý oblysynyń shyǵysynda da órt qaýpi joǵary. Túrkistan oblysynyń soltústigi, batysy, ortalyǵy men taý bókterindegi aýdandarynda joǵary órt qaýpi saqtalady.
Shymkentte jeldiń ekpini sekýndyna 15–20 metrge jetedi. Túnde topyraq betinde -2 gradýsqa deıin úsik júredi. Qalada joǵary órt qaýpi bar.
Osyǵan deıin Pavlodarda qarasha aıy klımattyq normadan 2 gradýsqa jyly bolatyny týraly jazdyq.
