Qazaqstannyń 15 óńirinde kún raıy buzylady - Qazgıdromet
ASTANA. KAZINFORM – Sınoptıkter 2 aqpanda Qazaqstannyń 15 oblysynda daýyldy eskertý jarııalady, dep habarlaıdy «Qazgıdromet» RMK.
Aqmola oblysynyń ońtústigi men shyǵysynda qar jaýyp, boran soǵady. Oblystyń batysy men soltústiginde tuman túsedi.
Aqtóbe oblysynyń soltústigi men shyǵysynda tuman túsedi.
Almaty oblysynda jel ońtústik-shyǵystan soǵyp, kúndiz ońtústik-batysqa aýysady. Oblystyń shyǵysynda jeldiń ekpini sekýndyna 15-20 metrge deıin jetedi.
Atyraý oblysynyń batysy men soltústiginde túnde kóktaıǵaq bolady. Oblystyń batysy, soltústigi jáne ońtústiginde tuman kútiledi.
Shyǵys Qazaqstan oblysynyń soltústigi, shyǵysy jáne ortalyǵynda tuman boljanyp otyr.
Jambyl oblysynyń batysynda, ońtústiginde jáne taýly aýdandarynda jaýyn-shashyn (jańbyr, qar), boran jáne kóktaıǵaq kútiledi. Keı ýaqytta tuman túsedi. Jel ońtústik-shyǵystan soǵyp, oblystyń ońtústik-batysynda jáne taýly aýdandarynda sekýndyna 15-20 metrge deıin kúsheıedi.
Batys Qazaqstan oblysynyń batysy, soltústigi jáne ońtústiginde kóktaıǵaq bolady. Oblystyń batysy, soltústigi jáne shyǵysynda tuman túsedi.
Qaraǵandy oblysynyń batysy, soltústigi jáne shyǵysynda tuman men kóktaıǵaq boljanyp otyr.
Qostanaı oblysynyń soltústigi, shyǵysy jáne ońtústiginde tuman kútiledi.
Qyzylorda oblysynyń ortalyǵy men ońtústiginde kóktaıǵaq bolady. Oblystyń ortalyǵy, ońtústigi jáne soltústiginde tuman túsedi.
Mańǵystaý oblysynyń batysy men ortalyǵynda túnde kóktaıǵaq kútiledi. Oblystyń batysy, soltústigi jáne ortalyǵynda tuman boljanýda.
Pavlodar oblysynyń batysy men ońtústiginde qar jaýyp, boran soǵady. Oblystyń soltústigi men shyǵysynda tuman kútiledi. Jel soltústik-shyǵystan soǵyp, oblystyń batysy men ońtústiginde sekýndyna 15-20 metrge deıin jetedi.
Soltústik Qazaqstan oblysynyń batysy men soltústiginde tuman kútiledi. Kúndiz oblystyń batysynda shyǵystan soqqan jeldiń ekpini sekýndyna 15-20 metrge deıin kúsheıedi.
Túrkistan oblysynyń taýly aýdandarynda túnde nóserli jaýyn-shashyn (jańbyr, qar) jáne kóktaıǵaq boljanýda. Oblystyń batysy, soltústigi, ońtústigi jáne taýly aýdandarynda tuman túsedi. Jel ońtústik-shyǵystan soǵyp, oblystyń soltústigi men taýly aýdandarynda sekýndyna 15-20 metrge deıin jetedi.
Ulytaý oblysynyń soltústigi, ońtústigi jáne ortalyǵynda tuman men kóktaıǵaq kútiledi.