Qazaqstannyń 15 óńirinde aýa raıyna baılanysty eskertý jarııalandy
ASTANA. KAZINFORM — «Qazgıdromet» RMK-sy elimizdiń 15 óńirinde kún raıyna baılanysty eskertý jarııalady.
Kásiporynnyń boljamyna qaraǵanda, 1 mamyr kúni Astanada kúnniń ekinshi jartysynda burshaq, jańbyr jaýyp, naızaǵaı oınaıdy, kúndiz shańdy daýyl soǵady. Ońtústik-shyǵystan soqqan jeldiń ekpini 15–20 m/s-qa jetedi.
Almatyda kúndiz ótkinshi jańbyr jaýyp, naızaǵaı oınaıdy. Ońtústik-batys jeli 15 m/s-qa deıin kúsheıedi.
Abaı oblysynyń ońtústiginde kúndiz shańdy daýyl turady. Shyǵys jáne ońtústik-shyǵys jeliniń jyldamdyǵy oblystyń ońtústigi men ortalyǵynda 15–20 m/s, ekpini 23 m/s-qa deıin jetedi. Óńirdiń ońtústigi men ortalyǵynda, shyǵysynda joǵary órt qaýpi saqtalady.
Almaty oblysynyń ońtústigi men taýly aýdandarynda ótkinshi jańbyr jaýyp, naızaǵaı oınaıdy. Shyǵystan soqqan jel ońtústik-batysqa aýysady, ekpini 15–20 m/s.
Aqtóbe oblysynda soltústik, soltústik-batys jeli soǵyp, ekpini 15–18 m/s-qa jetedi. Oblystyń ońtústiginde joǵary órt qaýpi saqtalady.
Aqmola oblysynyń batysynda, soltústiginde jáne ońtústiginde jańbyr, burshaq jaýyp, naızaǵaı oınaıdy, dkúshti jel turady. Keı jerlerde shańdy daýyl bolady. Jel baǵyty ońtústik-shyǵystan soltústik-batysqa aýysyp, ekpini 15–20 m/s, keıde 25 m/s-qa deıin kúsheıedi.
Shyǵys Qazaqstan oblysynda shyǵys jáne ońtústik-shyǵys jeli soǵady, ekpini 15–20 m/s. Túnde oblystyń shyǵysynda topyraq betinde 1 gradýs úsik bolýy múmkin. Batysynda joǵary órt qaýpi kútiledi.
Jambyl oblysynyń ońtústigi men taýly aýdandarynda jańbyr, naızaǵaı, keı ýaqytta qatty jańbyr, burshaq, daýyl bolýy yqtımal. Ońtústik-batys jeliniń jyldamdyǵy 15–20 m/s-qa jetedi. Oblys ortalyǵynda joǵary órt qaýpi saqtalady.
Jetisý oblysynyń taýly aýdandarynda kúndiz azdaǵan jańbyr jaýyp, naızaǵaı oınaıdy. Ońtústik-shyǵys jeliniń jyldamdyǵy oblystyń shyǵysynda 15–20 m/s, Alakól mańynda ekpini 23–28 m/s-qa jetedi. Óńirdiń shyǵysy men ońtústiginde tótenshe órt qaýpi saqtalady.
Batys Qazaqstan oblysynyń batysy men soltústiginde jańbyr, naızaǵaı kútiledi. Túnde jáne tańerteń tuman túsedi. Jel baǵyty soltústik-shyǵystan batysqa aýysyp, ekpini 15–20 m/s. Túnde keı jerlerde 1 gradýs úsik bolýy múmkin.
Mańǵystaý oblysynyń ońtústigi men ortalyǵynda túnde jáne tańerteń tuman túsedi.
Pavlodar oblysynda ońtústik-shyǵystan jel soǵyp, ekpini 15–20 m/s-qa jetedi. Soltústigi men batysynda joǵary órt qaýpi saqtalady.
Soltústik Qazaqstan oblysynyń batysynda túnde jáne kúndiz jańbyr jaýyp, naızaǵaı oınaıdy, kúshti jel turyp, burshaq jaýýy yqtımal. Jeldiń ekpini 23–28 m/s-qa deıin kúsheıedi. Oblystyń batysynda joǵary órt qaýpi boljanady.
Qaraǵandy oblysynda ońtústik-shyǵystan jel soǵyp, ońtústik-batysqa aýysady, ekpini 15–18 m/s-qa jetedi. Oblystyń ońtústiginde joǵary órt qaýpi saqtalady.
Qostanaı oblysynyń batysy men soltústiginde túnde jańbyr jaýyp, naızaǵaı oınaıdy, keı ýaqytta qatty jańbyr, burshaq jaýady. Kúndiz de jaýyn-shashyndy. Jeldiń ekpini 15–20 m/s.
Qyzylorda oblysynyń ortalyǵy men soltústiginde jańbyr jaýyp, naızaǵaı oınaıdy, shańdy daýyl turady. Batys jáne soltústik-batys jeliniń jyldamdyǵy 15–20 m/s. Óńirdiń shyǵysy, ońtústigi jáne ortalyǵynda joǵary órt qaýpi saqtalady.
Ulytaý oblysynyń soltústiginde kúndiz jańbyr, naızaǵaı, al shyǵysy men ortalyǵynda azdaǵan jańbyr kútiledi. Jel baǵyty ońtústik-shyǵystan soltústik-batysqa aýysyp, ekpini 15–20 m/s-qa jetedi.
Osyǵan deıin Almatyda eki kúnniń birinde aýa sapasy nasharlaıtyny týraly jazdyq.
