Qazaqstannyń 15 oblysynda jáne Astanada tuman túsip, ekpindi jel turady

ASTANA. KAZINFORM - 8 aqpanda sınoptıkter eldiń barlyq aýmaǵynda daýyldy eskertý jarııalady, dep habarlaıdy Kazinform agenttigi «Qazgıdrometke»  silteme jasap. 

Astana qalasynda 8 aqpanda soltústik-shyǵystan jel soǵady, jeldiń ekpini túnde 15-18 m/s jetedi.

8 aqpanda Abaı oblysynyń soltústigin, ońtústigin, ortalyǵyn tuman basady. Jel soltústik-shyǵystan soǵyp, oblystyń ońtústik-batysynda jeldiń ekpini 15-20 m/s jetpek.

Erteń Aqmola oblysynyń soltústigi men shyǵysynda tuman bolady. Soltústik-shyǵystan jel soǵyp, oblystyń batysynda, ońtústiginde, shyǵysynda jel ekpini 15-20 m/s jetedi dep boljanyp otyr.

8-10 aqpanda Almaty oblysynnyń ońtústiginde, taýly aýdandarynda tuman túsip, joldarda kóktaıǵaq bolady. 

Erteń Aqtóbe oblysynyń soltústiginde, shyǵysynda, ortalyǵynda jaıaý burqasyn saqtalady. Soltústik-shyǵystan jel soǵady, oblystyń soltústiginde, shyǵysynda, ortalyǵynda jeldiń ekpini 15-20, Muǵaljar aýdanynda jel ekpini 23-28 m/s deıin jetpek.

Atyraý oblysynda soltústik-shyǵystan jel soǵady, oblystyń soltústiginde, shyǵysynda jel ekpini 15-20 m/s jetedi dep boljanyp otyr.

Erteń Shyǵys Qazaqstan oblysynyń soltústiginde, ońtústiginde tumandy bolmaq.

Jambyl oblysynyń ońtústigin, taýly aýdandaryn tuman basady. Soltústik-shyǵystan jel soǵady, oblystyń soltústik-shyǵysynda, taýly aýdandarynda jel ekpini 15-20 m/s, kúndiz ekpini 23 m/s jetedi.

Batys Qazaqstan oblysynda jel soltústik-shyǵystan soǵady, kúndiz oblystyń ońtústiginde, shyǵysynda jel ekpini 15-20 m/s.

Qaraǵandy oblysynyń soltústiginde, ońtústiginde jaıaý burqasyn bolady dep boljanyp otyr. Soltústik-shyǵystan jel soǵady, oblystyń soltústiginde, ońtústiginde onyń ekpini 15-20 m/s jetpek.

Mańǵystaý oblysynda soltústik-shyǵystan jel soǵady, oblystyń batysynda, shyǵysynda jel ekpini 15-20 m/s bolady.

8 aqpanda túnde jáne tańerteń Pavlodar oblysynyń batysynda, ońtústiginde kún raıy tumandy bolmaq.

Soltústik Qazaqstan oblysynyń batysy men soltústigin tuman basady dep boljanyp otyr. 

8-9 aqpanda Túrkistan oblysynyń taýly jáne taý etegindegi aýdandarda jańbyr jaýady, sol sebepti ózenderde sý deńgeıi kóteriledi dep boljanyp otyr.