Qazaqstannyń 15 oblysynda jáne Astanada daýyldy eskertý jarııalandy

ASTANA. KAZINFORM – 18 tamyz kúni Qazaqstannyń 15 oblysynda jáne elordada aýa raıynyń qolaısyzdyǵyna baılanysty daýyldy eskertý jarııalandy, dep habarlaıdy Qazgıdromet.

Astana qalasynda naızaǵaı oınaıdy. Kúndiz ońtústik-batystan soqqan jeldiń ekpini 15-18 m/s-qa jetedi.

Almaty qalasynda kúnniń keı bóliginde naızaǵaı oınap, joǵary órt qaýpi saqtalady.

Abaı oblysynda túnde batysy men ońtústiginde naızaǵaı oınaıdy, kúndiz soltústiginde, shyǵysynda jáne ortalyǵynda naızaǵaı oınap, jańbyr jaýady, burshaq túsedi, daýyl turady. Jeldiń ekpini 23 m/s-qa deıin kúsheıedi. Ońtústiginde tótenshe órt qaýpi saqtalady.

Aqmola oblysynda túnde batysynda, ońtústiginde jáne shyǵysynda naızaǵaı oınaıdy, kúndiz naızaǵaı oınap, ońtústiginde burshaq, keı jerlerinde tuman túsedi. Jeldiń ekpini 15-20 m/s-qa jetedi.

Almaty oblysynda soltústigi men ońtústiginde jáne taýly aýdandarynda naızaǵaı oınaıdy. Jeldiń ekpini 20 m/s-qa deıin kúsheıedi. Órt qaýpi óte joǵary.

Atyraý oblysynda ońtústigi men shyǵysynda tótenshe, batysynda joǵary órt qaýpi saqtalady.

Shyǵys Qazaqstan oblysynda jańbyr jaýyp, naızaǵaı oınaıdy, burshaq túsip, daýyl turady. Túnde jáne tańerteń tuman túsedi. Jeldiń ekpini 20 m/s-qa deıin jetedi.

Jambyl oblysynyń taýly aýdandarynda naızaǵaı oınaıdy. Keı aımaqtarynda daýyl turyp, órt qaýpi óte joǵary bolady.

Jetisý oblysynda shyǵysy men ortalyǵynda naızaǵaı oınaıdy. Jeldiń ekpini 20 m/s-qa deıin kúsheıedi. Órt qaýpi joǵary.

Batys Qazaqstan oblysynda batysy men ońtústik-batysynda órt qaýpi joǵary, keı jerlerinde tótenshe órt qaýpi bar.

Qaraǵandy oblysynda batysynda, soltústiginde jáne shyǵysynda naızaǵaı oınap, kúndiz burshaq túsedi. Jeldiń ekpini 20 m/s-qa deıin jetedi. Ońtústiginde tótenshe órt qaýpi saqtalady.

Qostanaı oblysynda soltústigi men shyǵysynda naızaǵaı oınaıdy. Túnde jáne tańerteń keı jerlerinde tuman túsedi. Jeldiń ekpini 20 m/s. Ońtústiginde tótenshe órt qaýpi bar.

Qyzylorda oblysynda tótenshe órt qaýpi saqtalady.

Mańǵystaý oblysynda kúndiz batysynda shańdy daýyl turady. Jeldiń ekpini 20 m/s-qa deıin kúsheıedi. Oblys boıynsha tótenshe órt qaýpi bar.

Pavlodar oblysynda naızaǵaı oınaıdy, jeldiń ekpini 20 m/s-qa deıin jetedi.

Soltústik Qazaqstan oblysynda ońtústigi men shyǵysynda naızaǵaı oınap, daýyl turady. Túnde jáne tańerteń tuman túsedi. Jeldiń ekpini 25 m/s-qa deıin jetýi múmkin.

Ulytaý oblysynda shyǵysynda naızaǵaı oınaıdy. Jeldiń ekpini 20 m/s-qa deıin jetedi. Shyǵysynda órt qaýpi joǵary.