Qazaqstannyń 15 oblysynda aýa raıyna baılanysty eskertý jarııalandy

ASTANA. KAZINFORM – 3 qarasha kúni elimizdiń 15 óńirinde aýa raıyna baılanysty eskertý jarııalandy. 

Qazgıdromet sınoptıkteriniń boljamy boıynsha, Almaty oblysynda ońtústik-shyǵystan jel soǵyp, artynsha ol soltústik-batysqa aýysady. Ekpini – 15-20 m/s. 

Túnde jáne tańerteń Atyraý oblysynyń batysy men ońtústiginde tuman kútiledi. Al Atyraý qalasyna túnde jáne tańerteń tuman túsedi. 

Aqmola oblysynda boran kútilip otyr. Jel ońtústik-shyǵystan soltústikke aýysyp, tańǵy jáne kúndizgi ýaqytta 15-20 m/s jyldamdyqpen soǵady. Kókshetaýda muzdaq, kúndiz boran kútiledi. Jel ońtústik-shyǵystan kúndiz soltústikke aýysyp, 15-20 m/s jyldamdyqpen soǵady. 

Túrkistan oblysynda kúndiz taýly aýdandarda ońtústik-batystan uıytqyp soǵatyn jel 15-20 m/s bolady dep boljandy. Oblystyń ońtústiginde, batysynda, shóldi aýdandarynda órt qaýpi óte joǵary deńgeıde, Túrkistanda da óte joǵary deńgeıde saqtalady. 

Abaı oblysynda jel shyǵystan ońtústik-shyǵysqa aýysyp, batysta, soltústikte jáne oblys ortalyǵynda saǵattyq jyldamdyǵy – 15-20 m/s, kúni boıy 23-28 m/s kúsheıedi. Semeıde jel ońtústik-shyǵystan ońtústik-batysqa aýysyp, kúni boıy saǵattyq jyldamdyǵy 15-20 m/s kúsheıedi dep kútilip otyr. 

Kúndiz Shyǵys Qazaqstan oblysynyń batysynda, soltústiginde jáne shyǵysynda kóktaıǵaq bolýy yqtımal. Túnde jáne tańerteń oblystyń soltústigine jáne shyǵysyna tuman túsedi. Jel ońtústik-shyǵystan soǵyp, batys, soltústik jáne shyǵysta ońtústik-batysqa aýysady, kúndiz ekpini – 25 m/s. Óskemende ońtústik-shyǵys jeli ońtústik-batysqa aýysyp, kúndiz ekpini 15-20 m/s bolady dep kútiledi. 

Túnde jáne tańerteń Jambyl oblysynyń ońtústiginde, taýly aımaqtarynda tuman bolady. Jel ońtústik-batystan soǵady, ońtústik-batys, soltústik-shyǵys jáne oblystyń taýly aımaqtarynda – 15-20 m/s, túnde ekpini 25 m/s-ke jetedi. Taraz qalasyna túnde jáne tańerteń tuman túsýi múmkin. 

Ulytaý oblysynyń batysynda, soltústiginde jáne shyǵys bóliginde kóktaıǵaq kútiledi. Jel tańerteń jáne kúndiz batys pen soltústikte 15-18 m/s jyldamdyqpen soǵady. 

Qostanaıda da kóktaıǵaq bolýy yqtımal. Jel soltústik-shyǵys baǵytynan 15-20 m/s jyldamdyqpen soǵady.  

Qaraǵandy oblysynyń batysynda, soltústiginde jáne shyǵysynda kóktaıǵaq kútiledi. Jel kúndiz ońtústik-shyǵystan ońtústik-batysqa aýysady, oblystyń ońtústiginde sekýndyna 15-18 m/s jyldamdyqpen kúshti jel turady. 

Túnde jáne tańerteń Jetisý oblysynyń taýly aýdandarynda tuman kútilip otyr. Soltústik pen shyǵystaǵy jel keıde 15-20, sát saıyn 23-28 m/s jyldamdyqpen soǵady. Túnde oblystyń soltústigi men ortalyǵynda 3 gradýsqa deıin aıaz bolady dep kútiledi. Taldyqorǵanda túnde 1-3 gradýsqa deıin aıaz bolady. 

Qyzylorda oblysyndaǵy jeldiń ekpini – 15-20 m/s. Tótenshe órt qaýpi saqtalýda, oblystyń soltústiginde jáne ortalyǵynda órt qaýpi joǵary bolady. Qyzylorda qalasynda órt qaýpi joǵary deńgeıde saqtalady. 

Túnde jáne tańerteń Mańǵystaý oblysynyń soltústik-shyǵys ortalyǵynda tuman kútiledi. 

Batys Qazaqstan oblysynyń batysyna, soltústigine, shyǵysyna tuman túsedi. Oralda túnde jáne tańerteń tuman bolady. 

Soltústik Qazaqstan oblysynda qar, boran, muz aralas jańbyr kútiledi. Oblystyń batysynda jáne ońtústiginde qar jaýady. 4 qarashada túnde oblystyń shyǵysy men ońtústigine qar túsip, boran bolady. Oblystyń batysynda, soltústiginde jáne shyǵysynda tuman kútiledi. Jel ońtústik-shyǵystan soǵyp, 3 qarashada soltústikke aýysady, ekpini – 15-20 m/s. 4 qarashada túngi ýaqytta oblystyń soltústiginde, shyǵysynda jáne ońtústiginde soǵatyn jeldiń ekpini – 15-20 m/s. 4 qarashada túnde aýa temperatýrasynyń kúrt tómendeýi, 10-15 gradýs aıaz kútiledi. Petropavlda qar, boran, kóktaıǵaq kútiledi. Jel soltústik-shyǵystan, soltústikten 15-20 m/s jyldamdyqpen soǵady. 4 qarashada túnde aýa temperatýrasy 10-12 gradýs aıazǵa deıin tómendeıdi. 

Aqmola oblysynda jaýyn-shashyn, kóktaıǵaq bolady. Oblystyń batysy men soltústiginde jańbyr jaýady. 4 qarashada túnde qar, kóktaıǵaq, boran kútiledi. Oblystyń batysy men soltústigine qar túsip, kúndiz oblystyń soltústiginde, shyǵysynda, ońtústiginde qar jaýyp, boran soǵyp, kóktaıǵaq bolady. Atalǵan aımaqtyń batysyna, soltústigine, shyǵysyna tuman túsedi. Jel ońtústik-shyǵystan soltústikke aýysady. 3 qarashada kúndiz aımaqtyń batysynda, soltústiginde, ońtústiginde soǵatyn jeldiń ekpini – 15-20 m/s, 4 qarasha kúni túnde soǵatyn jeldiń ekpini – 15-20 m/s, kúndiz soltústik, shyǵys, ońtústikte soǵatyn jeldiń ekpini – 15-20 m/s. 4 qarashada túnde aýa temperatýrasynyń kúrt tómendeýi kútilip otyr. Kókshetaýda 4 qarasha túni aýa temperatýrasynyń kúrt tómendeýi kútilip otyr, túnde -11-13 gradýs aıaz bolady. 

Eske salsaq, osyǵan deıin 2 qarashaǵa arnalǵan aýa raıy boljamyn usynǵan edik.