Qazaqstannyń 15 oblysyn tuman basyp, boran men kóktaıǵaq bolady

ASTANA. KAZINFORM — «Qazgıdromet» RMK sınoptıkteri elimizdiń birneshe óńiriniń turǵyndaryna tuman, kóktaıǵaq, burqasynǵa baılanysty eskertý jasady.

Ulytaý oblysynyń soltústiginde, shyǵysynda, ońtústiginde tuman kútiledi.

Qaraǵandy oblysynyń batysyn, shyǵysyn, ońtústigin tuman basady.

Túrkistan oblysynyń ońtústiginde, taýly aýdandarynda qatty jaýyn-shashyn (jańbyr, qar) kútiledi. Jaıaý burqasyn, kóktaıǵaq bolady. Oblystyń batysynda, soltústiginde, ońtústiginde, taýly aýdandarynda tuman túsedi. Ońtústik-batystan jel soǵady, oblystyń soltústiginde, ońtústiginde, batysynda, taýly aýdandarynda 15-20 m/s deıin jetedi. Shymkentte tańerteń jáne kúndiz keı ýaqytta qatty jaýyn-shashyn (jańbyr, qar) kútiledi. Keı ýaqytta jaıaý burqasyn, kóktaıǵaq bolyp, tuman basady. Ońtústik-batystan jel soǵady, ekpini 15-20 m/s deıin barady. Túrkistanda keı ýaqytta jaýyn-shashyn (jańbyr, qar), jaıaý burqasyn, kóktaıǵaq, tuman kútiledi. Ońtústik-batystan jel soǵady, ekpini 15-20 m/s.

Qyzylorda oblysynyń soltústiginde, shyǵysynda, ortalyǵynda tuman túsip, kóktaıǵaq bolady. Qyzylordada tuman, kóktaıǵaq kútiledi.

Mańǵystaý oblysynyń batysynda, ortalyǵynda jaıaý burqasyn bolyp, tuman túsedi. Sonymen qatar kóktaıǵaq bolady. Shyǵystan, ońtústik-shyǵystan jel soǵady, tańerteń jáne kúndiz oblystyń batysynda, ortalyǵynda ekpini 15-20 m/s deıin kúsheıedi. Túnde Mańǵystaý oblysynyń soltústik-shyǵysynda 25-27 gradýs óte qatty aıaz kútiledi. Aqtaýda kóktaıǵaq bolady.

Batys Qazaqstan oblysynyń batysynda, ońtústiginde kúndiz jaıaý burqasyn kútiledi. Oblystyń soltústiginde, shyǵysynda tuman túsedi. Jel ońtústik-shyǵystan soǵady, kúndiz oblystyń batysynda, ońtústiginde ekpini 15-20 m/s. Oraldy túnde jáne tańerteń tuman basady.

Shyǵys Qazaqstan oblysynda túnde jáne kúndiz oblystyń soltústiginde, shyǵysynda qar, burqasyn kútiledi. Oblystyń soltústiginde, ońtústiginde, ortalyǵynda tuman túsedi. Óskemendi túnde jáne tańerteń tuman basady.

Qostanaı oblysynyń batysynda, soltústiginde azdaǵan qar, jaıaý burqasyn kútiledi. Oblystyń shyǵysynda, ońtústiginde tuman túsedi. Ońtústik-batystan jel soǵady, kúndiz oblystyń batysynda, soltústiginde ekpini 15-20 m/s.

Abaı oblysynyń batysynda, soltústiginde, ortalyǵynda qar jaýyp, burqasyn kútiledi. Oblystyń soltústiginde, ońtústiginde, ortalyǵynda tuman túsedi. Jel soltústik-shyǵystan soǵady, oblystyń ońtústiginde, ortalyǵynda ekpini 15-20 m/s deıin jetedi.

Jetisý oblysynyń taýly aýdandarynda tuman túsedi. Shyǵystan jel soǵady, túnde Alakól kólderi aýdanynda ekpini 15-20 m/s deıin barady.

Pavlodar oblysynyń soltústiginde, shyǵysynda tuman kútiledi.

Soltústik Qazaqstan oblysynyń batysynda, soltústiginde azdaǵan qar jaýyp, jaıaý burqasyn bolady. Oblystyń ońtústiginde tuman kútiledi. Ońtústik-batystan jel soǵady, kúndiz oblystyń batysynda, soltústiginde ekpini 15-20 m/s.

Jambyl oblysynda jaýyn-shashyn (jańbyr, qar), oblystyń soltústiginde, taýly aýdandarynda qar, jaıaý burqasyn kútiledi. Keı ýaqytta tuman, kóktaıǵaq bolýy yqtımal. Ońtústik-batystan soǵatyn jel soltústik-batys jeline aýysady, túnde oblystyń ońtústik-batysynda, taýly aýdandarynda, kúndiz oblystyń taýly aýdandarynda jyldamdyǵy 15-20 m/s deıin jetedi. Tarazda keı ýaqytta tuman, kóktaıǵaq kútiledi.

Aqmola oblysynyń batysynda, soltústiginde tuman túsedi. Kókshetaýdy túnde jáne tańerteń tuman basady.

26-28 qańtarda Almaty oblysynyń soltústiginde, ońtústiginde keı ýaqytta tuman, joldarda kóktaıǵaq kútiledi. Ońtústik-shyǵystan soǵatyn jel soltústik-shyǵys baǵytqa aýysady, 27-28 qańtarda oblystyń shyǵysynda ekpini 15-20 m/s. Almatyda jáne Qonaevta túnde jáne tańerteń tuman túsip, joldarda kóktaıǵaq bolady. 

Budan buryn qolaısyz aýa raıyna baılanysty aqtóbelik oqýshylar úshinshi kún qatarynan onlaın oqıtynyn jazǵan edik.