Qazaqstannyń 14 óńirinde kún raıyna baılanysty eskertý jarııalandy
ASTANA. KAZINFORM - Qazaqstannyń 14 óńirinde kún raıyna baılanysty eskertý jarııalandy, dep habarlaıdy Qazgıdromet.
Kásiporynnyń málimetterine qaraǵanda, 31 naýryzda túnde Mańǵystaý oblysynyń batysynda, soltústik-shyǵysynda jáne ortalyǵynda jańbyr men naızaǵaı kútiledi, kúndiz de jaýyn-shashyn saqtalady. Oblystyń batysy men soltústik-shyǵysynda tuman boljanyp otyr. Jel shyǵys, ońtústik-shyǵys baǵytta soǵyp, kúndiz ortalyǵynda ekpini 15–20 m/s-qa deıin jetedi.
Atyraý oblysynyń batysynda, soltústiginde jáne shyǵysynda jańbyr men naızaǵaı, al ońtústiginde ótkinshi jańbyr men naızaǵaı bolady. Túnde jáne tańerteń óńirdiń batysy men ońtústiginde tuman túsedi. Jel ońtústik-shyǵys jáne shyǵys baǵytta, kúndiz shyǵysynda ekpini 15–20 m/s.
31 naýryz – 2 sáýir aralyǵynda Jetisý oblysynyń ońtústiginde joǵary órt qaýpi saqtalady.
Pavlodar oblysynyń batysynda, soltústiginde jáne shyǵysynda tuman túsedi.
Soltústik Qazaqstan oblysynyń batysynda, soltústiginde jáne shyǵysynda tuman men kóktaıǵaq bolady.
Aqtóbe oblysynda shyǵys jáne ońtústik-shyǵys jeli soǵyp, kúndiz batysynda jáne soltústiginde ekpini 15–18 m/s-qa deıin kúsheıedi.
Jambyl oblysynyń taýly jáne taý bókterindegi aýdandarynda jańbyr, kúndiz naızaǵaı kútiledi. Túnde jáne tańerteń taýly aımaqtarda tuman bolady. Oblystyń soltústik-shyǵysynda shańdy daýyl turady. Jel ońtústik-shyǵystan soǵyp, túnde ońtústik-batysynda, soltústik-shyǵysynda jáne taýly aýdandarynda, kúndiz taýly óńirlerde ekpini 15–20 m/s-qa jetedi.
Qyzylorda oblysynyń soltústigi men ortalyǵynda tańerteń jáne kúndiz naızaǵaı oınaıdy. Oblystyń shyǵysynda joǵary órt qaýpi saqtalady.
Shyǵys Qazaqstan oblysynyń soltústigi men shyǵysynda tuman boljanyp otyr.
Abaı oblysynyń soltústigi men ortalyǵynda túnde jáne tańerteń tuman túsedi.
Qostanaı oblysynyń soltústiginde, batysynda jáne shyǵysynda tuman bolady. Oblystyń ońtústiginde joǵary órt qaýpi saqtalady.
Túrkistan oblysynyń ońtústiginde jáne taýly aýdandarynda naızaǵaı oınaıdy. Jel ońtústik-shyǵys baǵytta soǵyp, taýly óńirlerde ekpini 15–20 m/s-qa jetedi. Oblystyń batysynda joǵary órt qaýpi bar.
Aqmola oblysynyń soltústigi men shyǵysynda túnde jáne tańerteń tuman túsedi.
Batys Qazaqstan oblysynyń batysy men ońtústiginde túnde de, kúndiz de naızaǵaı oınaıdy. Kúndiz oblystyń ońtústiginde qatty jańbyr jaýýy múmkin. Túnde jáne tańerteń óńirdiń batysynda, soltústiginde jáne ońtústiginde tuman bolady. Jel ońtústik-shyǵystan soǵyp, kúndiz batysy men ońtústiginde ekpini 15–20 m/s-qa deıin kúsheıedi.
Osyǵan deıin Astananyń qysy 27 jylda qanshalyqty jylynǵany týraly jazdyq.
