Qazaqstannyń 14 óńirinde daýyldy eskertý jarııalandy

ASTANA.KAZINFORM — Sınoptıkter Qazaqstannyń 14 oblysynda daýyldy eskertý jarııalady.

Atyraý oblysynda 22 qańtarda qar jaýady dep kútiledi. Oblystyń soltústigi men shyǵysynda jaıaý burqasyn baıqalady. Batysy men ońtústiginde tuman túsip, kóktaıǵaq bolady.

Pavlodar oblysynyń batysynda, ońtústiginde jáne shyǵysynda qar jaýyp, boran soǵady. Túngi jáne tańǵy ýaqytta oblystyń soltústiginde tuman kútiledi. Soltústik-shyǵystan soǵatyn jeldiń ekpini batys, ońtústik jáne shyǵys aımaqtarda sekýndyna 15–20 metrge deıin jetedi.

Túrkistan oblysynda jaýyn-shashyn (jańbyr, qar) kútiledi. Kúndiz oblystyń ońtústiginde jáne taýly aımaqtarynda nóserli jaýyn-shashyn (jańbyr, qar) jaýady. Jaıaý burqasyn, kóktaıǵaq bolady. Batysy, soltústigi, ońtústigi jáne taýly óńirlerinde tuman túsedi. Ońtústik-batystan soǵatyn jeldiń jyldamdyǵy 15–20 m/s, kúndiz ekpini 23–28 m/s-qa deıin kúsheıedi.

Mańǵystaý oblysynyń batysynda, soltústiginde jáne ortalyǵynda kúndiz kóktaıǵaq kútiledi. Sondaı-aq osy aımaqtarda tuman bolady.

Almaty oblysynyń soltústiginde, ońtústiginde jáne taýly aýdandarynda keı ýaqyttarda tuman túsip, joldarda kóktaıǵaq paıda bolady. Jel ońtústik-shyǵystan soǵyp, oblystyń shyǵysynda batys baǵytyna aýysady, ekpini 15–20 m/s.

Qyzylorda oblysynyń shyǵysynda, ońtústiginde jáne ortalyǵynda kóktaıǵaq kútiledi. Soltústigi, ońtústigi men ortalyǵynda tuman bolady.

Abaı oblysynyń batysy men soltústiginde tuman túsedi. Soltústik-shyǵys jáne shyǵystan soǵatyn jel Aıagóz aýdanynda kúndiz sekýndyna 15–20 metrge deıin kúsheıedi.

Shyǵys Qazaqstan oblysynyń soltústigi men shyǵysynda tuman kútiledi.

Ulytaý oblysynyń ońtústiginde azdaǵan qar jaýyp, jaıaý burqasyn baıqalady. Shyǵysy, ońtústigi jáne ortalyǵynda tuman bolady.

Qaraǵandy oblysynyń batysy men soltústiginde azdaǵan qar jaýyp, jaıaý burqasyn kútiledi. Batysy, soltústigi jáne shyǵysynda tuman túsedi.

Jambyl oblysynda túnde batysynda, ońtústiginde jáne taýly aýdandarynda qar jaýyp, jaıaý burqasyn, kóktaıǵaq bolady. Kúndiz de qar jaýyp, burqasyn men kóktaıǵaq saqtalady. Keı ýaqyttarda tuman túsedi. Soltústik-shyǵystan soǵatyn jel ońtústik-batysqa aýysyp, jyldamdyǵy 15–20 m/s, ekpini 23–28 m/s-qa deıin jetedi.

Aqmola oblysynda azdaǵan qar jaýyp, jaıaý burqasyn kútiledi.

Jetisý oblysynyń shyǵysynda, ortalyǵynda jáne taýly aýdandarynda keı ýaqyttarda tuman túsip, joldarda kóktaıǵaq bolady. Alakól kólderi aýdanynda soltústik-shyǵystan soǵatyn jeldiń ekpini 15–20 m/s, keıde 23–28 m/s-qa deıin kúsheıedi.

Batys Qazaqstan oblysynda tuman túsip, kóktaıǵaq kútiledi.

Búgin eldiń basym bóliginde tuman túsip, kóktaıǵaq bolatyny habarlanǵan edi.