Qazaqstannyń 14 oblysynda jáne Astanada aýa raıyna baılanysty eskertý jarııalandy

ASTANA. KAZINFORM – Juma, 21 aqpanda Qazaqstannyń 14 oblysynda aýa raıyna baılanysty eskertý jarııalandy, dep habarlaıdy «Qazgıdromet» RMK.

Astanada keı jerlerde tuman túsedi.

Túnde jáne tańerteń Abaı oblysynyń shyǵysynda jáne ońtústiginde tuman kútiledi. Shyǵystan, ońtústik-shyǵystan soǵatyn jeldiń ekpini - 15-18 m/s.

Aqtóbe oblysynda qalyń qar jaýady. Oblystyń soltústiginde, batysynda jáne ortalyǵynda burqasyn kútiledi. Soltústik-shyǵystan soǵatyn jel ekpini soltústikte, oblys ortalyǵynda 15-20 m/s deıin jetedi.

Aqmola oblysynyń batysynda, soltústiginde jáne ońtústiginde tuman túsedi.

Atyraý oblysynda qar jaýady, oblystyń ońtústik-shyǵysynda keı jerlerde qalyń qar jaýady. Oblystyń soltústiginde, ońtústiginde jáne shyǵysynda qarly boran bolady. Soltústik jáne soltústik-shyǵystan jel soǵady, ekpini - 15-20 m/s.

Shyǵys Qazaqstan oblysynyń soltústiginde, shyǵysynda jáne ońtústiginde tuman kútiledi.

Túnde jáne tańerteń Jetisý oblysynyń taýly aımaqtarynda tuman túsedi. Alakól aýdanynda shyǵystan jel soǵady, ekpini - 15-20, kúndiz 23-28 m/s deıin jetedi.

Batys Qazaqstan oblysynyń soltústiginde, ońtústiginde jáne shyǵysynda qar jaýyp, burqasyn bolady. Oblystyń batysy men soltústiginde tuman túsedi. Kúndiz soltústik-shyǵystan jel soǵady, ekpini - 15-20 m/s.

Qaraǵandy oblysynyń soltústiginde, shyǵysynda jáne ońtústiginde ótkinshi tuman kútiledi.

Qostanaı oblysynyń batysynda, ońtústiginde jáne shyǵysynda qar jaýyp, burqasyn bolady. Oblystyń soltústigi men shyǵysynda tuman túsedi.

Qyzylorda oblysynyń ortalyǵynda tuman kútiledi.

Mańǵystaý oblysynda jaýyn-shashyn (kóbine qar), kóktaıǵaq kútiledi. Batysta jáne oblys ortalyǵynda keı jerlerde qalyń qar jaýyp, burqasyn bolady. Oblystyń soltústigi men shyǵysynda tuman kútiledi. Soltústik-shyǵystan soǵatyn jel soltústik-batysqa aýysady, oblys ortalyǵyndaǵy jeldiń ekpini - 15-20 m/s.

Pavlodar oblysynyń soltústigi men shyǵysynda túnde jáne tańerteń tuman túsýi yqtımal. 

Soltústik Qazaqstan oblysynyń ońtústiginde tuman túsedi.

Ulytaý oblysynyń soltústiginde, shyǵysynda jáne ortalyǵynda keı jerlerde tuman kútiledi.