Qazaqstannyń 14 oblysynda aýa raıyna baılanysty eskertý jarııalandy

ASTANA. KAZINFORM – Qazaqstannyń 14 oblysynda kún raıyna baılanysty eskertý jarııalandy, dep habarlaıdy «Qazgıdromet» RMK.

Semeıde kúndiz aýa temperatýrasy 37 gradýsqa deıin ysıdy. Órt shyǵý qaýpi joǵary bolady.

Aqtóbe oblysynyń shyǵysynda túnde qatty jańbyr jaýady, kúndiz oblystyń batysynda jáne soltústiginde naızaǵaı oınap, burshaq jaýady, daýyl soǵady. Soltústik-batystan soǵatyn jeldiń ekpini 15-20 m/s. Aqtóbede kúndiz naızaǵaı oınaıdy. Soltústik-batystan soǵatyn jeldiń ekpini – 15-20 m/s.

Túnde Qostanaı oblysynyń ońtústik bóliginde, kúndiz oblystyń soltústiginde, ońtústiginde, shyǵysynda naızaǵaı oınaıdy, burshaq jaýady, daýyl soǵýy yqtımal. Oblystyń ońtústigi men shyǵysynda ońtústik-batystan soǵatyn jeldiń kúshi 15-20 m/s deıin jetedi. Oblystyń batysy men soltústiginde órt shyǵý qaýpi joǵary bolady. Qostanaıda kúndiz naızaǵaı oınaıdy.

Mańǵystaý oblysynyń batysynda, soltústiginde jáne ortalyǵynda kún kúrkirep, kúndiz ótkinshi jańbyr, burshaq jaýyp, daýyl soǵýy múmkin. Oblystyń batysynda, soltústiginde, ortalyǵynda batystan, soltústik-batystan soǵatyn jeldiń kúshi 15-20 m/s deıin jetedi. Kúndiz oblystyń ońtústiginde 38 gradýs deńgeıinde qatty ystyq saqtalady. Oblystyń soltústiginde, ońtústik-shyǵysynda jáne ortalyǵynda órt shyǵý qaýpi saqtalady, oblystyń soltústik-shyǵysynda jáne batysynda joǵary órt qaýpi saqtalady. Aqtaýda naızaǵaı boljanyp otyr. Kúndiz batystan, soltústik-batystan ekpini 15-18 m/s deıin jel soǵady. Órt qaýpi áli de joǵary bolady.

Almaty oblysynyń taýly aımaqtarynda kúndiz naızaǵaı oınaıdy. Oblystyń basym bóliginde 35-37 gradýs ystyq saqtalady. Almatyda kúndiz +35 gradýsqa deıin qatty ystyq kútiledi. Qonaevta kúndiz 35-37 gradýs ystyq saqtalady.

Kúndiz Ulytaý oblysynyń soltústiginde naızaǵaı oınaıdy. Jel baǵytyn ońtústik-batystan ońtústik-shyǵysqa aýystyrady, kúndiz oblystyń batysy men soltústiginde ekpini 15-20 m/s. Kúndiz oblystyń barlyq aýmaǵynda 35 gradýs qatty ystyq bolady. Oblystyń basym bóliginde asa joǵary órt qaýpi saqtalady, oblystyń soltústigi men shyǵysynda joǵary órt qaýpi saqtalady. Jezqazǵanda kúndiz 35 gradýsqa deıin qatty ystyq. Óte joǵary órt qaýpi saqtalady.

Kúndiz Qaraǵandy oblysynda 35 gradýsqa deıin, oblystyń ońtústiginde 38 gradýsqa deıin qatty ystyq bolady. Batysta, oblys ortalyǵynda joǵary órt qaýpi saqtalady, al ońtústik bóliginde óte joǵary órt qaýpi bar.

Kúndiz Qyzylorda oblysynyń ortalyǵynda shańdy daýyl soǵady. Ońtústik-batystan soǵatyn jel baǵyty soltústik-shyǵysqa aýysady, oblys ortalyǵynda ekpini 15-20 m/s. Kúndiz oblystyń barlyq aýmaǵynda 40 gradýsqa deıin qatty ystyq bolady. Óńirde asa joǵary órt qaýpi saqtalady. Qyzylordada óte joǵary órt qaýpi saqtalady.

Aqmola oblysynyń batysynda jáne soltústiginde kún kúrkirep, kúndiz burshaq jaýyp, daýyl soǵady. Ońtústik-batystan soǵatyn jel baǵyty kúndiz oblystyń batysy men soltústiginde ońtústik-shyǵysqa aýysady, ekpini 15-20, keı ýaqytta 23 m/s deıin jetedi. Oblystyń batysynda áli de joǵary órt qaýpi saqtalady. Kókshetaýda kúndiz naızaǵaı oınaıdy. Kúndiz ońtústik-batystan soǵatyn jeldiń ekpini 15-20 m/s.

Túnde Atyraý oblysynyń batysynda, soltústiginde, ońtústiginde kún kúrkirep, kúndiz oblystyń batysynda jáne shyǵysynda qatty jańbyr jaýady, naızaǵaı oınaıdy, burshaq jaýyp, daýyl soǵady. Soltústik-batystan soǵatyn jeldiń ekpini 15-20 m/s deıin jetedi. Atyraýda naızaǵaı jarqyldaıdy. Soltústik-batystan soǵatyn jeldiń ekpini 15-20 m/s.

Túnde Batys Qazaqstan oblysynyń batysynda, ońtústiginde, kúndiz batysynda, ońtústiginde jáne shyǵysynda naızaǵaı oınaıdy. Jel soltústikten, soltústik-batystan soǵady, kúndiz naızaǵaı kezinde ekpini 15-20 m/s deıin jetedi. Oblystyń ońtústiginde asa joǵary órt qaýpi saqtalady.

Túrkistan oblysynda kúndiz batysta, oblystyń shóleıt aımaqtarynda 40 gradýsqa deıin qatty ystyq bolady. Túrkistanda kúndiz aýanyń temperatýrasy 40 gradýsqa deıin kóteriledi.

Jetisý oblysynyń Alakól kólderi aımaǵynda soltústik-shyǵystan jel soǵady, ekpini 15-20, túnde 25 m/s deıin kúsheıedi. Jetisý óńirinde kúndiz 35-38 gradýs ystyq saqtalady. Taldyqorǵanda kúndiz 36-38 gradýs ystyq bolady.

26-27 maýsymda kúndiz Jambyl oblysynyń taýly aımaqtarynda naızaǵaı oınaıdy. 26 maýsymda kúndiz, 27 maýsymda kúndiz ońtústik-batystan, soltústik-shyǵystan jel soǵady, oblystyń taýly aımaqtarynda 15-20 m/s deıin kúsheıedi. 26-27 maýsymda kúndiz oblystyń basym bóliginde 35-40 gradýsqa deıin qatty ystyq boljanyp otyr. Tarazda 27 maýsymda kúndiz 38-40 gradýsqa deıin qatty ystyq bolady.