Qazaqstannyń 14 oblysynda aýa raıyna baılanysty eskertý jarııalandy

28 qarasha kúni Qazaqstannyń 14 oblysynda aýa raıyna baılanysty eskertý jarııalandy, dep habarlaıdy Kazinform «Qazgıdromet» RMK-na silteme jasap.

Qaraǵandy, Atyraý, Ulytaý oblystarynda tuman túsedi. Soltústik-shyǵystan jel soǵyp, túnde jel shyǵystan 18 m/s jyldamdyqpen soǵady.

Qostanaı, Aqtóbe, Batys-Qazaqstan jáne Jetisý oblystarynda kóktaıǵaq bolyp, tuman túsedi.

Pavlodar, Shyǵys – Qazaqstan jáne Abaı oblysynda tuman túsedi.

Aqmola, Jambyl, Mańǵystaý oblystarynda ońtústik-shyǵystan 15-20 m/s jyldamdyqpen jel soǵady.

Soltústik Qazaqstan oblysynda tuman túsip, kóktaıǵaq bolady. Jel shyǵystan, ońtústik-shyǵystan sekýndyna 15-20 metr jyldamdyqpen soǵady.