Qazaqstannyń 13 óńirinde aýa raıyna baılanysty eskertý jarııalandy

ASTANA. KAZINFORM – «Qazgıdromet» RMK-sy elimizdiń 13 óńirinde aýa raıyna baılanysty eskertý jarııalady.

Kásiporynnyń boljamyna qaraǵanda, Astanada 16 naýryzda kúndiz jaýyn-shashyn (jańbyr, qar), joldarda kóktaıǵaq bolady. Túnde jáne tańerteń tuman túsedi. Ońtústik-batystan, ońtústikten jel soǵady, kúndiz ekpini 15-18 m/s.

16 naýryzda Aqmola oblysynyń batysynda, soltústiginde, ońtústiginde jaýyn-shashyn (jańbyr, qar), kóktaıǵaq bolady. Oblystyń soltústiginde, shyǵysynda, ońtústiginde tuman tsedi. Ońtústik-batystan, ońtústikten jel soǵady, oblystyń batysynda, soltústiginde, shyǵysynda ekpini 15-20 m/s.

16 naýryzda Aqtóbe oblysynyń soltústiginde, shyǵysynda tuman túsip, kóktaıǵaq bolady.

16 naýryzda Jambyl oblysynyń soltústiginde, ońtústiginde, taýly aýdandarynda tuman túsedi. Soltústik-shyǵystan jel soǵady, oblystyń taýly aýdandarynda jyldamdyǵy 15-20 m/s bolady.

16 naýryzda Qostanaı oblysynda túnde oblystyń soltústiginde, shyǵysynda jaýyn-shashyn (jańbyr, qar) bolady. Oblystyń soltústiginde, batysynda, shyǵysynda kóktaıǵaq bolyp, oblystyń soltústiginde, batysynda, ońtústiginde tuman túsedi.

16 naýryzda túnde Almaty oblysynyń ortalyǵynda, ońtústiginde, taýly aýdandarynda tuman túsedi.

16 naýryzda Qaraǵandy oblysynyń batysynda, soltústiginde tuman túsip, joldarda kóktaıǵaq bolady.

16 naýryzda Ulytaý oblysynyń batysynda, soltústiginde, ortalyǵynda tuman túsip, joldarda kóktaıǵaq bolady.

16-18 naýryzda Qyzylorda oblysynyń soltústiginde, ortalyǵynda tuman túsedi.

16 naýryzda túnde jáne tańerteń Atyraý oblysynyń batysynda, ońtústiginde tuman túsed. Ońtústikten, ońtústik-batystan jel soǵady, kúndiz oblystyń batysynda, soltústiginde jyldamdyǵy 15-20 m/s.

Soltústik Qazaqstan oblysynda túnde jaýyn-shashyn (jańbyr, qar), kúndiz oblystyń ońtústiginde, shyǵysynda jaýyn-shashyn (kóbinese jańbyr). Oblystyń batysynda, soltústiginde, ońtústiginde kóktaıǵaq bolyp, tuman túsedi. Ońtústik-batystan jel soǵady, oblystyń batysynda, soltústiginde, ońtústiginde ekpini 15-20 m/s.

16 naýryzda túnde jáne tańerteń Shyǵys Qazaqstan oblysynyń soltústiginde tuman túsedi.

16 naýryzda Batys Qazaqstan oblysynyń soltústiginde, shyǵysynda tuman túsedi. Jel ońtústik-batystan soǵady, kúndiz oblystyń batysynda, ońtústiginde ekpini 15-20 m/s.

16 naýryzda Jetisý oblysynyń taýly aýdandarynda túnde tuman túsedi. Shyǵystan jel soǵady, Alakól kólderi aýdanynda kúshi 15-20, ekpini 25 m/s.

Abaı oblysynda qar qursaýynda qalǵan kólikterden 96 adam evakýatsııalanǵany týraly jazdyq.