Qazaqstannyń 13 óńirinde aýa raıy buzylyp, turǵyndarǵa eskertý jasaldy

ASTANA. KAZINFORM — 27 qańtarda elimizdiń basym bóliginde burqasyn bolyp, tuman basady. Sondaı-aq qar da jaýady. Al keıbir óńirde jeldiń ekpini 15-20 m/s deıin jetýi múmkin, dep habarlaıdy «Qazgıdromet» RMK baspasóz qyzmeti.

Jetisý oblysynyń soltústiginde, batysynda túnde tuman túsedi. Soltústik-shyǵystan jel soǵady, kúndiz Alakól kólderi aýdanynda ekpini 15-20 m/s deıin kúsheıedi.

Mańǵystaý oblysynyń batysyn, ońtústigin, ortalyǵyn túnde jáne tańerteń tuman basyp, kóktaıǵaq bolady. Túnde oblystyń soltústik-shyǵysynda 20-22 gradýs qatty aıaz qysady. Al Aqtaýda kóktaıǵaq kútiledi.

Soltústik Qazaqstan oblysynyń batysynda, soltústiginde tuman túsedi. Petropavldy da tuman basady.

Batys Qazaqstan oblysynyń batysynda, soltústiginde, shyǵysynda tuman kútiledi. Oralda túnde jáne tańerteń tuman túsedi.

Pavlodar oblysynyń soltústigin tuman basady.

Abaı oblysynyń shyǵysynda, ońtústiginde, ortalyǵynda túnde, oblystyń batysynda, soltústiginde, ortalyǵynda kúndiz qar, burqasyn kútiledi. Oblystyń soltústiginde, ońtústiginde tuman túsedi. Jel soltústik-shyǵystan, shyǵystan soǵady, kúndiz oblystyń ortalyǵynda 15-20 m/s deıin jetedi.

Shyǵys Qazaqstan oblysynda túnde jáne kúndiz oblystyń batysynda, soltústiginde, shyǵysynda qar, burqasyn kútiledi. Oblystyń soltústiginde, ońtústiginde tuman túsedi. Jel ońtústik-shyǵystan soǵady, túnde oblystyń ońtústik-shyǵysynda 15-20 m/s deıin kúsheıedi.

Qyzylorda oblysynda kóktaıǵaq kútiledi. Oblystyń soltústiginde, ońtústiginde, ortalyǵynda tuman túsedi. Qyzylordada tańerteń jáne kúndiz kóktaıǵaq kútiledi. Keı ýaqytta tuman bolýy yqtımal.

Ulytaý oblysynda qar, jaıaý burqasyn kútiledi. Oblystyń soltústigin, ońtústigin, ortalyǵyn tuman basady.

Qostanaı oblysynyń ońtústiginde qar jaýyp, jaıaý burqasyn bolady. Oblystyń batysynda, soltústiginde, ońtústiginde tuman túsedi.

Qaraǵandy oblysynda qar, jaıaý burqasyn kútiledi. Oblystyń batysyn, soltústigin, ońtústigin tuman basady.

Aqmola oblysynyń ońtústiginde, shyǵysynda azdaǵan qar jaýyp, jaıaý burqasyn kútiledi.

26-28 qańtarda Almaty oblysynyń soltústiginde, ońtústiginde keı ýaqytta tuman túsip, joldarda kóktaıǵaq bolady. Ońtústik-shyǵystan soǵatyn jel soltústik-shyǵys baǵytqa aýysady, 27-28 qańtarda oblystyń shyǵysynda ekpini 15-20 m/s deıin jetedi. Almatyda túnde jáne tańerteń tuman túsip, joldarda kóktaıǵaq kútiledi. Qonaevty túnde jáne tańerteń tuman basyp, joldarda kóktaıǵaq bolady.

Osydan buryn aýa raıynyń kúrt buzylýyna baılanysty Qazaqstannyń birqatar oblysynda kólik qozǵalysy shektelgenin jazǵan edik.