Qazaqstannyń 13 óńiri men Astanada kún raıyna baılanysty eskertý jarııalandy

«Qazgıdromet» RMK-nyń boljamyna qaraǵanda, 13 naýryzda Astanada kóktaıǵaq bolady dep boljanyp otyr. Tańerteń tuman túsýi múmkin. Ońtústik-batystan soǵatyn jeldiń jyldamdyǵy túnde jáne tańerteń sekýndyna 15–20 metrge deıin kúsheıedi.

Aqmola oblysy aýmaǵynda túnde azdaǵan qar jaýyp, jaıaý burqasyn soǵady. Kúndiz oblystyń soltústigi, ońtústigi jáne shyǵysynda qar aralas jańbyr jaýyp, jaıaý burqasyn soǵýy yqtımal, kóktaıǵaq bolýy yqtımal. Oblystyń batysy, soltústigi men shyǵysynda tuman túsedi. Ońtústik-batystan soǵatyn jel túnde osy óńirlerde sekýndyna 15–20 metrge deıin jetip, soltústik pen shyǵysta keı tusta ekpini 23–28 m/s-qa deıin kúsheıýi múmkin. Kúndiz shyǵysynda jeldiń jyldamdyǵy 15–20 m/s bolady.

Jetisý oblysynyń shyǵysynda soltústik-shyǵystan soǵatyn jeldiń ekpini 15–20 m/s-qa jetedi.

Almaty oblysynyń batysynda, ońtústiginde jáne taý bókteri men taýly aýdandarynda ara-tura tuman túsip, joldarda kóktaıǵaq bolýy múmkin. Soltústik-shyǵystan soǵatyn jeldiń jyldamdyǵy óńirdiń ońtústiginde, taý bókteri men taýly aýdandarynda keıde 15–20 m/s-qa deıin kúsheıedi.

Qaraǵandy oblysynyń soltústiginde azdaǵan qar jaýyp, jaıaý burqasyn soǵady. Túnde jáne tańerteń oblystyń shyǵysy men ońtústiginde tuman túsýi yqtımal. Ońtústik-batystan soǵatyn jel óńirdiń soltústigi men shyǵysynda sekýndyna 15–20 metrge deıin kúsheıedi.

Ulytaý oblysynyń soltústigi men ońtústiginde tuman túsedi.

Batys Qazaqstan oblysynyń batysynda, soltústiginde jáne ońtústiginde tuman túsip, kóktaıǵaq bolady.

Aqtóbe oblysynyń batysy men soltústiginde tuman túsýi yqtımal. Ońtústik-batys jáne batys baǵyttan soǵatyn jel óńirdiń soltústik-shyǵysynda sekýndyna 15–18 metrge deıin kúsheıedi.

Abaı oblysynyń batysy men soltústiginde qar jaýyp, burqasyn bolady. Kúndiz osy aýmaqtarda jańbyr men qar jaýyp, burqasyn men kóktaıǵaq kútiledi. Túnde jáne tańerteń oblystyń ońtústiginde tuman túsedi. Ońtústik jáne ońtústik-batystan soǵatyn jeldiń jyldamdyǵy óńirdiń batysy, soltústigi jáne ortalyǵynda 15–20 m/s-qa jetip, keı jerde ekpini 23 m/s-qa deıin kúsheıedi.

Shyǵys Qazaqstan oblysynyń soltústigi men shyǵysynda qar jaýyp, burqasyn soǵady. Túnde jáne tańerteń óńirdiń ońtústiginde tuman túsedi. Shyǵys jáne ońtústik-shyǵystan soǵatyn jel batysy men soltústiginde 15–20 m/s-qa jetip, ekpini 23 m/s bolýy múmkin.

Pavlodar oblysynyń soltústigi men shyǵysynda qar men jańbyr jaýyp, jaıaý burqasyn jáne kóktaıǵaq bolady. Ońtústik-batystan soǵatyn jel óńirdiń batysy, ońtústigi jáne shyǵysynda 15–20 m/s-qa deıin kúsheıedi.

Soltústik Qazaqstan oblysynyń túnde soltústigi, shyǵysy jáne ońtústiginde jańbyr men qar jaýyp, burqasyn jáne kóktaıǵaq bolady. Kúndiz osy aýmaqtarda azdaǵan jaýyn-shashyn bolyp, jaıaý burqasyn men kóktaıǵaq saqtalady. Oblystyń batysynda tuman túsýi múmkin. Ońtústik-batystan soǵatyn jel túnde 15–20 m/s-qa jetip, soltústik, shyǵys jáne ońtústiginde ekpini 23–28 m/s-qa deıin kúsheıýi yqtımal. Kúndiz jeldiń ekpini 15–20 m/s bolady.

Qostanaı oblysynyń shyǵysy men ońtústiginde jańbyr men qar túrindegi jaýyn-shashyn túsip, jaıaý burqasyn jáne kóktaıǵaq kútiledi. Batys, soltústik jáne shyǵysta tuman bolýy múmkin. Ońtústik-batys jáne batys baǵyttan soǵatyn jeldiń jyldamdyǵy óńirdiń shyǵysy men ońtústiginde 15–20 m/s-qa deıin kúsheıedi.

Qyzylorda oblysy soltústigi men ortalyǵynda tuman túsedi.

Osyǵan deıin Soltústik Qazaqstan oblysynda qatty jelden elektr symdaryna zaqym kelip, 2,5 myń abonent ótken táýlikte jaryqsyz qalǵany týraly jazdyq.