Qazaqstannyń 11 óńirinde aýa raıyna baılanysty eskertý jarııalandy

«Qazgıdromet» RMK-sy Qazaqstannyń 11 óńirinde aýa raıyna baılanysty eskertý jarııalady, dep habarlaıdy Kazinform.

3 qarashada Astanada túnde jáne tańerteń tuman túsedi.

Abaı oblysynyń batysynda, soltústiginde jáne shyǵysynda jaıaý burqasyn, tuman, kóktaıǵaq bolady. Ońtústik-batystan jel soǵyp, baǵytyn soltústik-batysqa aýystyrady, túnde oblystyń batysynda, soltústiginde jáne ortalyǵynda jel kúshi 15-20 m/s, ekpini 23-28 m/s deıin jetedi.

Túnde jáne tańerteń Aqmola oblysynyń soltústiginde, ońtústiginde, shyǵysynda tuman túsip, kóktaıǵaq bolady. Ońtústik-shyǵystan soǵatyn jel ekpini oblystyń batysynda, soltústiginde 15-20 m/s deıin jetedi.

Atyraý oblysynyń batysynda, ońtústiginde, shyǵysynda túnde jáne tańerteń tuman túsedi.

Túnde Shyǵys Qazaqstan oblysynyń soltústigi men shyǵysynda qatty jaýyn-shashyn (kóbinese qar) jaýady. Oblystyń soltústigi men shyǵysynda jaıaý burqasyn, kóktaıǵaq bolyp, tuman túsedi. Ońtústik-batystan soǵatyn jel baǵytyn soltústik-batysqa aýystyryp, oblystyń soltústiginde, shyǵysynda jáne ońtústiginde kúshi 15-20 m/s, ekpini 25 m/s deıin jetedi.

Batys Qazaqstan oblysynyń batysynda túnde jáne tańerteń tuman túsedi. Ońtústik-shyǵystan, ońtústikten jel soǵyp, túnde oblystyń shyǵysynda ekpini 15-20 m/s deıin jetedi.

Qaraǵandy oblysynyń soltústigi men shyǵysynda tuman, kóktaıǵaq bolady.

Qostanaı oblysynyń soltústiginde, shyǵysynda jáne ońtústiginde tuman túsedi. Ońtústik-batystan soǵatyn jel kúndiz oblystyń batysy men soltústiginde kúshi 15-20 m/s bolady.

Pavlodar oblysynyń ońtústiginde túnde soltústik-batystan soǵatyn jeldiń ekpini 15-20 m/s jetedi.

Soltústik Qazaqstan oblysynyń ońtústiginde túnde jáne tańerteń tuman túsedi. Ońtústik-shyǵystan, ońtústikten jel soǵady, kúndiz ekpini 15-20 m/s.

Ulytaý oblysynyń soltústiginde túnde jáne tańerteń tuman túsedi.