Qazaqstannyń 11 óńiri men Astanada jańbyr jaýyp, naızaǵaı oınaıdy
ASTANA. KAZINFORM — 22 sáýirde elimizdiń 11 oblysy men Astanada turǵyndarǵa eskertý jarııalandy, dep habarlaıdy «Qazgıdromet» RMK baspasóz qyzmeti.
22 sáýirde Astanada túnniń birinshi jartysynda jáne kúnniń sońynda azdaǵan jańbyr jaýyp, naızaǵaı kútiledi.
Aqmola oblysynyń ońtústigi men shyǵysynda azdaǵan jańbyr, naızaǵaı, kúndiz batysy men soltústiginde jańbyr, naızaǵaı bolady. Jel ońtústik-shyǵystan, ońtústikten soǵady. Oblystyń batysy men soltústiginde kúndiz ekpini 15-20 m/s-qa jetedi.
Mańǵystaý oblysynyń ortalyǵynda keı ýaqytta qatty jańbyr men naızaǵaı kútiledi.
Jambyl oblysynyń batysynda, soltústiginde, ońtústiginde jáne taýly aýdandarynda jańbyr, naızaǵaı bolady. Taýly aımaqtarda tuman túsedi. Jel ońtústik-batystan soǵady. Oblystyń ońtústik-batysynda, soltústik-shyǵysynda jáne taýly aýdandarynda 15-20 m/s, túnde ekpini 23 m/s-qa deıin kúsheıedi. Jambyldyń batys bóliginde joǵary órt qaýpi saqtalady.
Ulytaý oblysynda jańbyr, naızaǵaı, burshaq kútiledi. Jel ońtústik jáne ońtústik-batystan soǵady. Kúndiz oblystyń batysy men ońtústiginde ekipini 15-18 m/s deıin jetedi.
Qaraǵandy oblysynyń batysynda, soltústiginde jáne shyǵysynda jańbyr, naızaǵaı, burshaq bolady. Jel ońtústik jáne ońtústik-batystan soǵady. Kúndiz shyǵysy men ortalyǵynda ekpini 15-18 m/s deıin kúsheıedi.
Abaı oblysynyń ortalyǵynda joǵary órt qaýpi saqtalady.
Túrkistan oblysynyń taýly aýdandarynda jańbyr, naızaǵaı, daýyl kútiledi. Kúndiz oblystyń batysynda, soltústiginde, ońtústiginde, taýly jáne taý bókterindegi aýdandarynda jańbyr, naızaǵaı, daýyl, al kúnniń ekinshi jartysynda taýly jáne taý bókterindegi aýdandarynda qatty jańbyr jaýady. Taýly aımaqtarda tuman bolady. Jel ońtústik-shyǵystan soǵady. Túrkistannyń batysynda, soltústiginde, ońtústiginde, taýly jáne taý bókterindegi aýdandarynda ońtústik-batysqa aýysyp, 15-20 m/s-qa deıin kúsheıedi. Oblystyń batysynda joǵary órt qaýpi, al shetki batysynda tótenshe órt qaýpi saqtalady.
Qyzylorda oblysynyń soltústiginde, ońtústiginde jáne ortalyǵynda jańbyr, naızaǵaı kútiledi. Jel batystan soǵady. Kúndiz oblystyń soltústiginde, ońtústiginde jáne ortalyǵynda 15-20 m/s-qa deıin kúsheıedi.
Soltústik Qazaqstan oblysynyń batysynda, ońtústiginde jáne shyǵysynda jańbyr, naızaǵaı bolady. Túnde jáne tańerteń oblystyń batysynda tuman kútiledi. Jel ońtústik-batystan soqǵady. Kúndiz ekpini 15-20 m/s deıin barady.
Batys Qazaqstan oblysynyń soltústigi men shyǵysynda tuman kútiledi. Jel ońtústik-batys jáne ońtústikten soǵady. Kúndiz oblystyń batysy men ońtústiginde 15-20 m/s-qa deıin kúsheıedi. Túnde oblystyń soltústigi men shyǵysynda 3 gradýsqa deıin úsik bolýy múmkin.
Qostanaı oblysynyń batysynda jáne soltústiginde jańbyr, naızaǵaı, kúndiz ońtústigi men shyǵysynda jańbyr, naızaǵaı, burshaq kútiledi. Oblystyń batysy men soltústiginde tuman bolady. Jel ońtústik-batys jáne batystan soǵady. Oblystyń batysynda, soltústiginde jáne shyǵysynda jeldiń ekpini 15-20 m/s deıin kúsheıedi.
Osyǵan deıin «Qazgıdromet» RMK 21–23 sáýirge arnalǵan Qazaqstan boıynsha aýa raıy boljamyn jarııalady.
