Qazaqstannyń 10 óńirinde ınflıatsııa baıaýlady - Ulttyq bank

ASTANA. KAZINFORM – Qazan aıynda elde jyldyq ınflıatsııa 12,6% boldy (qyrkúıekte – 12,9%), dep jazdy Ulttyq bank.

Jyldyq ınflıatsııa 10 óńirde baıaýlady, 6 óńirde jedeldep, 4 óńirde burynǵy deńgeıde qaldy.

- Qazanda azyq-túlik taýarlarynyń baǵasy jyldyq mánde 13,5%-dy qurady (qyrkúıekte – 12,7%). Osy toptaǵy taýarlardyń baǵasy Ulytaý oblysynda (16,7%) áldeqaıda joǵary, al Almaty qalasynda (10,4%) meıilinshe tómen tústi, - delingen aqparatta.

Qazan aıynyń qorytyndysy boıynsha azyq-túlikke jatpaıtyn taýarlardyń baǵasy jyldyq mánde 11,0% boldy (qyrkúıekte – 10,8%). Eń joǵary mán Aqtóbe oblysynda (14,0%), eń tómengi mán Almaty qalasynda (8,5%) tirkelgen.

Qazanda aqyly kórsetiletin qyzmet baǵasynyń ósý qarqyny jyldyq mánde 12,9%-ǵa deıin baıaýlady (qyrkúıekte – 15,3%).

Sonymen qatar Qyzylorda oblysynda (8,6%) jalpy respýblıkalyq deńgeıden baǵa birshama tómen tústi.

Qazanda el kóleminde aılyq ınflıatsııa 0,5%-ǵa ósti.

Aıta keteıik, jaýapty mınıstrlik azyq-túlik ınflıatsııasyn baqylaýǵa qatysty jańa tetikter usyndy.