Qazaqstannyń 10 qalasynda qaıtalama turǵyn úı baǵasy arzandaǵan

ASTANA. KAZINFORM – Sońǵy 6 aıda Qazaqstannyń 17 qalasynyń 10-ynda qaıtalama turǵyn úı arzandady. 

Bul týraly Krisha.kz monıtorıng júrgizgen. Usynystyń ortasha baǵasy myna qalalarda tómendedi: 
Qyzylorda: -3%
Semeı: -1,9%
Shymkent jáne Qaraǵandy: -1,7%
Almaty: -1,3%
Atyraý: -1,2%
Qostanaı, Óskemen, Pavlodar, Taraz: 1% sheginde.

Sonymen qatar, qaıtalama turǵyn úı baǵasy alty qalada, ásirese Petropavlda (+4,7%), Aqtaýda (+3,1%), Oral qalasynda (+1,9%) qymbattaǵan. Astanada jyljymaıtyn múlik baǵasy ózgerissiz qalyp otyr.
Mamyrmen salystyrǵanda páterler 10 qalada arzandaǵan.

Bir jyldaǵy ózgerister

Qazaqstan boıynsha ortasha baǵalar 0,2%-ǵa tómendedi, 11 qalada páterler arzandady. Baǵanyń ósýi Aqtaýda (+8,1%), Petropavlda (+3,6%), Almatyda (+1,9%), Astanada (+1,4%), Oral qalasynda (+0,5%) tirkeldi.
Maýsym aıynyń qorytyndysy boıynsha Qazaqstanda 1 sharshy metrdiń ortasha baǵasy 370,2 myń teńgeni quraǵan.