Qazaqstannyń 10 boksshysy Chernogorııadaǵy álem chempıonatynda baq synaıdy
ASTANA. KAZINFORM — Qazaqstannyń 19 jasqa deıingi boksshylar quramasynyń aǵa jattyqtyrýshysy Baqyt Sársekbaev 2026 jylǵy álem chempıonatyna qatysatyn sportshylardyń tizimin bekitti. Álem birinshiligi Chernogorııanyń Býdva qalasynda ótedi.
Qazaqstan boks federatsııasynyń baspasóz qyzmetiniń málimetinshe, ulttyq qurama sapyna 10 boksshy engen. Olardyń qatarynda jastar arasyndaǵy Azııa chempıondary Bıbarys Áshirbaı men Vladıslav Samojonov bar.
Qazaqstannyń U-19 quramasy:
-
50 kelige deıin: Ádil Asqanbaı;
-
55 kelige deıin: Aıdos Úsenov;
-
60 kelige deıin: Danııar Aqbısenov;
-
65 kelige deıin: Aqjúrek Qalabaı;
-
70 kelige deıin: Bıbarys Áshirbaı;
-
75 kelige deıin: Ámir Ramazan;
-
80 kelige deıin: Tımýr Taıbekov;
-
85 kelige deıin: Rýslan Ahmetov;
-
90 kelige deıin: Erketań Jarqynbek;
-
90 keliden joǵary: Vladıslav Samojonov.
Sports.kz málimetinshe, World Boxing uıymynyń qaoldaýymen ótetin 19 jasqa deıingi boksshylar arasyndaǵy álem chempıonaty 16–27 qazan aralyǵynda Chernogorııanyń Býdva qalasynda uıymdastyrylady.
Jerorta teńizi sport ortalyǵynda ótetin dúbirli dodaǵa 75-ten astam ulttyq federatsııadan 550-den asa boksshy qatysady dep josparlanǵan. Jas sportshylar uldar men qyzdar arasyndaǵy 10 salmaq dárejesiniń árqaısysynda baq synaıdy. Nátıjesinde 20 altyn, 20 kúmis jáne 40 qola medal jıyntyǵy sarapqa salynady.
Aıta keteıik, Azııa oıyndarynda Tórehan Sabyrhan men Aıbek Oralbaı altyn medal jeńip aldy.
