Qazaqstannan jolaýshylar 87 halyqaralyq baǵdar boıynsha saparlaýda
ASTANA. QazAqparat - Aptasyna Qazaqstannan 458 halyqaralyq reıster oryndalady. Bul týraly búgin Astanada áýejaı máselelerine arnalǵan IATA konferentsııasynda QR IDM Azamattyq avıatsııa komıtetiniń tóraǵasy Beken Seıdahmetov málim etti.
«Bizdiń áýejaılar men áýe kompanııalardy damytý avıatsııalyq baılanystardyń geografııasyn keńeıtetini anyq. Jalpy qazaqstandyq áýe kompanııalarymen jolaýshylardy tasymaldaýdyń ósý qarqyny jyl saıyn 10-11 paıyzdy qurap otyr. Máselen, 2013 jyly Qazaqstannyń áýe kompanııalary tasymaldaǵan jolaýshylar sany 5 mıllıondy qurasa, 2014 jyly - 5,5 mıllıon, al bıyldyń birinshi jartyjyldyǵynda 2,6 mıllıon adamǵa jetti»,- dedi komıtet basshysy.
B. Seıdahmetovtiń sózine qaraǵanda, jalpy Qazaqstannan 87 halyqaralyq baǵdar boıynsha tasymaldaýlar júrgiziledi. Onyń ishinde 52-si TMD elderine, toǵyzy EO-ǵa, Ońtústik-Shyǵys Azııa elderine - 11 baǵdar, al Taıaý Shyǵysqa - 15 baǵdar qamtylǵan.
Eki qazaqstandyq áýe tasymaldaýshylar 57 baǵdar boıynsha halyqaralyq tasymaldardy júzege asyrsa, 28 sheteldik áýe kompanııalary 54 baǵdar turǵysynda halyqaralyq tasymaldardy atqarýda.
«Jalpy aptasyna Qazaqstannan 458 halyqaralyq reıster oryndalsa, kúnine 65 reıs júzege asyrylady»,-dedi ol.
