Qazaqstannan Japonııa men AQSh-qa jańa áýe reısteri qashan ashylady
ASTANA. KAZINFORM — QR Kólik mınıstrligi bıyl halyqaralyq baǵytta jańadan qandaı áýe reısteri ashylatynyn jarııalady.
— 2025 jyly Air Astana áýekompanııasy «Almaty-Nıachang» (Vetnam), «Astana-Nıachang» jáne «Almaty-Frankfýrt» baǵyttary boıynsha jańa reıster ashýdy josparlap otyr. Al malaızııalyq «Air Asia x» avıakompanııasy «Almaty — Kýala-Lýmpýr» baǵyty boıynsha reıster sanyn aptasyna 7 retke deıin arttyrýdy eserilgen, — delingen mınıstrliktiń Kazinform agenttigine bergen jaýabynda.
Vedomstvo aqparatyna qaraǵanda, orta merzimdi perspektıvada Býdapesht, Rıga, Vena jáne Mıýnhen qalalaryna reıster ashý pysyqtalyp jatyr.
— Sonymen qatar, 2025 jáne 2026 jyldary Japonııaǵa, AQSh-qa, Sıngapýrǵa, sondaı-aq Marokkoǵa jańa áýe marshrýttaryn ashý josparlanǵan, — dep atalyp ótken mınıstrlik aqparatynda.
Buǵan deıin bıyl 20 sáýirden bastap Almatydan Mýmbaıǵa tikeleı reıs ashylatyny habarlandy.