Qazaqstannan zańsyz temeki tasymaldaǵan eki reseılik ustaldy
ASTANA. QazAqparat - Reseıdiń eki turǵyny aktsızdik markalary joq temeki ónimderin Qazaqstan-Reseı shekarasynan ótkizbek bolǵanda ustaldy, dep habarlaıdy «QazAqparat» HAA QR UQK ShQ baspasóz qyzmetine silteme jasap.
«Oral shekaralyq jasaǵynyń «Shaǵan avto» ótkizý beketinde Reseı Federatsııasynyń eki azamaty temeki ónimderiniń iri partııasymen ustaldy», - delingen habarlamada
Shekara qyzmetiniń habaryna qaraǵanda, olar Qazaqstannan Reseıge «Lıfan» avtomobılimen bara jatqan. Kólikti tekserý kezinde artqy jolaýshy oryndyǵynan jáne júksalǵyshtan Belgrad qalasynda óndirilgen 2 qorap «Fest» temekisi tabylǵan. Aktsızdik markasy joq 100 blok temeki ónimderiniń barlyǵy tárkilendi.
Osy fakti týraly Zelenov aýdandyq ІІB ókilderine habar berildi.
