Qazaqstannan VIII-IX ǵasyrǵa tıesili kóne túrki eskertkishi tabyldy

Altaı aımaǵynyń arheologtary «Uly Altaı – Túrki murasy: Sentelek-2023» Soltústik Altaıdyń túrki eskertkishterin zertteý jónindegi halyqaralyq arheologııalyq ekspedıtsııasy aıasynda Qazaqstannan belgisiz túrki memorıaldyq eskertkishin tapty. Atalǵan mura VIII-IX ǵasyrlarǵa tıesili. Bul týraly TASS agenttigine Altaı memlekettik ýnıversıtetiniń «Úlken Altaı» altaıtaný jáne túrkitaný ǵylymı-bilim berý ortalyǵy basshysynyń orynbasary Sergeı Grýshın málimdedi, dep habarlaıdy Kazinform. 

«Ótken jyly Altaı memlekettik ýnıversıtetiniń ekspedıtsııasy jańa memorıaldyq oryndar – túrki qorshaýlaryn anyqtady. Olardyń arasynan beımálim kóne túrki eskertkishi tabyldy. <…> Onda VIII-IX ǵasyrlardaǵy jaýynger beınelengen. Mundaı eskertkishter túrki dáýirinde qaıtys bolǵan jaýyngerdiń qurmetine jasalǵan. Mundaı nysandar jerleýmen baılanysty emes, ádette olar bólek salynǵan», - dedi Sergeı Grýshın.

Sonymen, professor Grýshınniń aıtýynsha, kez kelgen tabylǵan zatty zerttegen qyzyq. Endi qolda bar zatqa salystyrmaly taldaý júrgizý josparlanyp otyr. Onyń aıtýynsha, memorıaldyq keshennen birneshe shaqyrym jerde ortaǵasyrlyq kóshpendilerdiń oryndary tabylǵan.

19-20 qazanda Altaı memlekettik ýnıversıteti bazasynda Barnaýl qalasynda ótken «Tarıhtaǵy jáne qazirgi zamandaǵy slavıan jáne túrki halyqtarynyń birligi» atty ІІІ Halyqaralyq Altaı forýmynda arheologtardyń jumysy usynyldy.