Qazaqstannan Túrkııaǵa taǵy eki ushaq gýmanıtarlyq kómek jetkiziledi

ASTANA. QazAqparat – Elordadaǵy elshilikte ótken brıfıngide Túrkııa Respýblıkasynyń Qazaqstandaǵy Tótenshe jáne ókiletti elshisi Ýfýk Ekıdjı Qazaqstan tarapynan qandaı gýmanıtarlyq kómek kórsetilgenin aıtty, dep habarlaıdy QazAqparat tilshisi.

«Qazaqstan Úkimeti usynǵan 55 tonna gýmanıtarlyq kómek ótken demalys kúnderi jer silkinisi bolǵan aımaqtarǵa jetkizildi. Bizdiń elshilik pen bas konsýldyqqa eriktiler ákelgen júkter elimizge jiberildi jáne apattan zardap shekkenderge tabystaldy. Jınalǵan qosymsha gýmanıtarlyq kómek QR Іshki ister mınıstrligine qarasty Ulttyq ulan bólgen ushaqtarmen bizdiń elge jetkiziledi. Búgin Astanadan dál osy Ulttyq ulanǵa tıesili alǵashqy ushaq ushyp shyqty. Erteń Almatydan taǵy bir ushaq Túrkııaǵa jiberiledi. Osy zattardy qosqanda Qazaqstannan 250 tonnaǵa jýyq gýmanıtarlyq kómek jóneltiledi», - dep toqtaldy Ýfýk Ekıdjı.

Ol qazirgi tańda zilzaladan zardap shekken 1,6 mln Túrkııa azamatynyń baspana máselesi sheshilgenin málimdedi.

Sonymen qosa, búginge deıin jer silkinisinen qıraǵan jáne qulaý aldynda turǵan 156 myń ǵımarat anyqtalǵan.

Buǵan qosa, Túrkııa halqy jetim qalǵan balalardy asyrap alýǵa nıet bildirip jatyr.

Eske salaıyq, 6 aqpanda Kahramanmarashta magnıtýdasy 7 baldan asatyn eki jer silkinisi boldy. Jerasty dúmpýleri eldiń 10 provıntsııasynda, sondaı-aq kórshiles memleketterde, sonyń ishinde Sırııada da sezildi.