Qazaqstannan Túrkııaǵa birqatar áýe reısteri keshigip nemese keıinge shegerilip jatyr

Bul týraly bloger Álisher Elikbaev óz tvıterinde :«Almaty áýejaıynda turmyn. Antatııaǵa ushatyn Atlas Global reısi keshigip jatyr. Jolaýshylar ushaq bortynda. Ystambulǵa baratyn Turkish Airlines reısi keıinge shegerildi », - dep jazdy.

Al Astana áýejaıynyń anyqtamasynda Astana-Ystambul reısi 2,5 saǵatqa keshigetini týraly aıtty. 

Buǵan deıin habarlanǵandaı, Túrkııanyń Premer-mınıstri Bınalı Iyldyrym elde áskerı tóńkeris jasaýǵa áreket jasalǵandyǵy jóninde málim etken bolatyn.

Túrkııanyń Bas shtaby prezıdenttiń bılikten taıdyrylyp, eldi basqarýdy qolǵa alǵandaryn málimdedi. Áskerıler bılik qalpynda qalyp, barlyq halyqaralyq baılanystar saqtalatyndyǵyna sendirdi. Sondaı-aq Túrkııa premer-mınıstri áskerı tóńkeriske baılanysty eldegi áýe keńistigi tolyqtaı jabylatynyn aıtty.