Qazaqstannan tys jerde turatyn azamattardy esepke qoıý qaǵıdalary jańardy
ASTANA. KAZINFORM – Qazaqstannan tys jerde turaqty jáne ýaqytsha turatyn el azamattaryn esepke qoıý qaǵıdalary ózgerdi.
Qazaqstan Respýblıkasynyń shet elderdegi mekemeleri (budan ári – shet elderdegi mekemeler) tıisti konsýldyq okrýgtiń aýmaǵynda Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasy azamattarynyń esebin júrgizedi.
Mundaı tirkeýdiń maqsaty - azamattardyń quqyqtary men zańdy múddesin qorǵaý, sondaı-aq olarǵa qabyldaýshy eldiń zańnamasynda, halyqaralyq sharttarda jáne halyqaralyq ádet-ǵuryptarda kózdelgen quqyqtaryn júzege asyrýǵa kómektesý .
«Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasynyń azamattaryn esepke qoıý» memlekettik qyzmetin alýshy nemese onyń zańdy ókili shet eldegi mekemege birqatar qujat usynady. Atap aıtqanda, Qazaqstan Respýblıkasynan tys jerde turaqty turatyn azamattardy esepke qoıý mynadaı qujattar qajet:
- jeke basyn kýálandyratyn qujat nemese tsıfrlyq qujattar servısinen alynǵan elektrondyq qujat (jeke basyn sáıkestendirý úshin);
- Qazaqstannan tys jerge turaqty turý úshin shyǵýǵa arnalǵan qujattardy resimdeý týraly sheshim nemese Qazaqstannan tys jerge turaqty turý úshin shyǵýǵa sheshim resimdelgeni týraly habarlama (salystyrý úshin);
Qazaqstannan tys jerde turaqty turatyn Qazaqstan Respýblıkasy azamattaryn esepke alýdyń toltyrylǵan kartochkasy (budan ári – esepke alý kartochkasy);
Qazaqstannan tys jerde ýaqytsha turatyn Qazaqstan Respýblıkasynyń azamattaryn esepke qoıý úshin:
- jeke basyn kýálandyratyn qujat nemese tsıfrlyq qujattar servısinen alynǵan elektrondyq qujat (jeke basyn sáıkestendirý úshin);
- Qazaqstannan tys jerde ýaqytsha turatyn Qazaqstan Respýblıkasy azamattaryn esepke alýdyń toltyrylǵan kartochkasy (budan ári – kartochka).
Basqa memleketke ýaqytsha turý úshin shyǵatyn Qazaqstan Respýblıkasynyń azamattaryna shet elderdegi mekemeleriniń personaly, Qazaqstan Respýblıkasyna bekitip berilgen kvotalarǵa sáıkes halyqaralyq uıymdar janyndaǵy beıbitshilik pen qaýipsizdikti saqtaý jónindegi halyqaralyq mindettemelerdi oryndaýǵa jiberilgen áskerı qyzmetshiler laýazymdarǵa taǵaıyndalǵan, shetelde ýaqytsha eńbek qyzmetin júzege asyratyn Qazaqstan Respýblıkasynyń azamattary, sondaı-aq, uıymdar men jeke adamdardyń shaqyrýy boıynsha oqýda, emdelýde, týrıstik jáne jeke saparda, shet elderde qyzmettik issaparda júrgen adamdar jatady.
Qazaqstan Respýblıkasynyń azamaty shet elderdegi mekemeden kelesi jaǵdaıda esepten shyǵarylady:
- ózi nemese onyń zańdy ókili shet elderdegi mekemelerge esepten shyǵarý týraly erkin nysanda jasalǵan ótinish berse;
- onyń Qazaqstan Respýblıkasynyń basqa shet elderdegi mekemelerinde esepke qoıylǵany týraly habarlama kelse;
- esep kartochkasynda/kartochkada kórsetilgen konsýldyq okrýg aýmaǵyndaǵy, ýaqytsha ornalasý nemese turaqty turý merzimi aıaqtalsa;
- qaıtys bolsa, onyń habar-osharsyz ketkeni nemese qaıtys bolǵany týraly sot sheshimi zańdy kúshine ense;
- Qazaqstan Respýblıkasynyń azamattyǵy toqtatylsa.
Buǵan deıin elimizde turaqty turýǵa múmkindik alatyn sheteldikter qatary keńeıýi múmkin ekenin jazǵan edik.
