Qazaqstannan temeki partııasyn zańsyz alyp ketpek bolǵan reseılikter ustaldy
ASTANA. QazAqparat - Shekarada Qazaqstannan Reseıge temekiniń iri partııasyn zańsyz shyǵarmaq bolǵan Reseıdiń eki azamaty ustaldy, dep habarlaıdy «QazAqparat» HAA QR UQK Shekara qyzmetine silteme jasap.
«Semeı» jeke baqylaý-ótkizý beketine qarasty «Úbi avto» ótkizý beketiniń jasaǵy Reseı Federatsııasynyń eki azamatyn ustady. Olar «FAST» markaly temeki ónimderi tıelgen «GAZ» avtomobılimen bara jatqan», - delingen habarlamada.
Kólikti tekserý kezinde ruqsat qaǵazdary men aktsızdik markasy joq 100 qorap temeki ónimi tabyldy. Árbir qorapta 50 blok temeki bolǵan.
Bul týraly tıisti organdarǵa habar berildi.
