Qazaqstannan Tájikstanǵa ushatyn reıster sany ósedi

NUR-SULTAN. QazAqparat –Qazaqstan men Tájikstan arasyndaǵy turaqty jolaýshylar reıs sany ósedi, dep habarlaıdy QazAqparat IIDM silteme jasap.

«Somon Air» tájik áýekompanııasy 2022 jyldyń 25 sáýirinen bastap Dýshanbeden Almaty qalasyna halyqaralyq reısterdiń sanyn B737 tıpti áýe kemelerinde aptasyna 1 reısten 2 reıske deıin arttyrýdy josparlap otyr. Sondaı-aq qazaqstandyq «Eır Astana» áýekompanııasy 1 mamyrdan bastap Dýshanbe jáne Almaty qalalary arasyndaǵy reıster sanyn aptasyna 1 reısten 3 reıske deıin jáne 1 maýsymnan A320 úlgisindegi áýe kemelerinde aptasyna 3 reısten 4 reıske deıin arttyrmaq. Osylaısha, elder arasyndaǵy reısterdiń jalpy sany aptasyna 6 reıske jetedi», - delingen mınıstrlik habarlamasynda.