Qazaqstannan tarıhı otandaryna oralǵan etnostar Elbasyn zor qoshemetpen qarsy alady
ASTANA. QazAqparat - Búgin QR Tuńǵysh Prezıdenti kitaphanasynda Alǵys aıtý kúnine arnalǵan is-shara barysynda Elbasy Nursultan Nazarbaev Qazaqstannan tarıhı otandaryna oralǵan etnostar ózin zor qoshemetpen qarsy alatyndyǵyn aıtty.
«Kópshiligi zorlyqpen qonys aýdaryldy. Keıinirek, zaman túzelgennen keıin olar ózderiniń tarıhı otandaryna oraldy. Olardyń barlyǵynyń da Qazaqstanǵa alǵysy sheksiz. Olar bul jer ózderin qutqarǵanyn aıtady. Tel-Avıvke barǵanymda adamdar men qonaq úı aldynan sherýge shyqqandaı qarsy aldy. Bul ne, dep túsinbeı qalǵan edik. Sóıtsek, óz otandaryna oralǵan bizdiń evreıler eken, alǵystaryn bildirdi. Germanııaǵa barsań ol jaqta da bizdiń nemister osylaı isteıdi. Polıaktar da, kavkazdyqtar da. ıAǵnı, bul alǵys, bul qaıyrymdy nıettestik bizdiń kópetnosty Qazaqstanymyzdyń mártebesin bıiktetedi jáne bizde turaqtylyq ornaǵan ári gúldený ústindemiz», - dedi N.Nazarbaev.
QR Prezıdenti sol qıyn-qystaý zamanda óziniń joqshylyqta ómir súrgenine qaramastan barlyq qazaq otbasylary jer aýdarylǵandardyń otbasylaryn qabyldaǵanyn basa aıtty.
«Olardyń biri meniń de otbasymda boldy. Aýyldyń 2 bólmeli úıinde turyp jatqan beseýmizdiń ústimizge taǵy 5 adamdy qabyldap, solarmen birge qystan shyǵýǵa, ómir súrýge týra keldi», - dedi Memleket basshysy.
