Qazaqstannan Sıngapýrǵa tikeleı áýe reısi ashylady
ASTANA. KAZINFORM — 20 qazannan bastap SCAT áýe kompanııasy Shymkentten Sıngapýrǵa jańa áýe reısin iske qosady. Ushaqtar bul baǵytta aptasyna eki ret qatynaıdy.
Qazaqstan Respýblıkasy Kólik mınıstrliginiń málimetinshe, jańa baǵyt áýe qatynasynyń geografııasyn keńeıtý maqsatynda ashylyp otyr.
Reıstiń ereksheligi — SCAT áýe kompanııasy Qytaı aýmaǵy arqyly tranzıtpen ushyp, áýe erkindiginiń besinshi dárejesi quqyǵyn paıdalanady. ıAǵnı jolaýshylar Shymkentten Qytaıdyń Sanıa qalasyna deıin ushyp, odan keıin Sıngapýrǵa saparyn jalǵastyra alady.
Bul rette áýe kompanııasy tek Qazaqstan men Sıngapýr arasynda ǵana emes, Qytaı men Sıngapýr arasynda da jolaýshylar tasymaldaýǵa múmkindik alady.
Mınıstrlik jańa áýe qatynasy Qazaqstan men Sıngapýr arasyndaǵy týrızm, ınvestıtsııa jáne iskerlik baılanystardy damytýǵa yqpal etetinin atap ótti. Sonymen qatar bul baǵyt Qazaqstannyń Ortalyq Azııadaǵy tranzıttik hab retindegi áleýetin arttyrýǵa múmkindik beredi.
Eske salaıyq, buǵan deıin Aqtaýdan Erevanǵa tikeleı reıster 16 jeltoqsannan bastap qaıta jandanatynyn habarlaǵan edik.
