Qazaqstannan shyqqan kásipker Sháripov Omby meri bolýy yqtımal
ASTANA. QazAqparat - Samat Sháripov Omby meri saılaýyna qatysý úshin ótinish bergen.
12 qazan kúni tańerteń úsh adam ótinish bergen, dep habarlaıdy «QazAqparat» HAA «SýperOmsk»-qa silteme jasap.
Úsh úmitkerdiń biri - Samat Sháripov Qazaqstanda kásipkerlikpen aınalysqan. Ol Ombydaǵy ІІM akademııasyn támamdaǵan. Oqýdy aıaqtaǵannan keıin tergeýshi bolyp jumys istegen. Odan keıin kommertsııalyq salaǵa aýysyp, kórshi respýblıkaǵa kóship ketken. Qazir kásipker Reseıde jergilikti kompanııanyń satylym jónindegi dırektory qyzmetin atqarýda.
Úmitkerlerdi irikteý jalǵasyp jatyr. Aldyn ala jospar boıynsha, saılaý 2017 jyldyń 17 qarashasynda Omby qalalyq keńesiniń otyrysynda ótedi. Saılaýǵa túsýge úmitti jandar 31 qazanǵa deıin ótinish bere alady.
